Бибылты Анатолий фехъусын кодта, майы бӕрӕгбонты хсӕн кӕй уыдзӕн ӕнӕкусӕгон бонтӕ

Бибылты Анатолий фехъусын кодта майы ӕнӕкусӕгон бонты тыххӕй

9
(ранӕуӕггонд 11:25 26.04.2021)
Президенты барамындмӕ гӕсгӕ республикӕйы улӕфдзысты дӕс бон фӕд фӕдыл – 1-ӕй 10-ӕм маймӕ

ЦХИНВАЛ, 26 апр - Sputnik. Хуссар Ирыстоны президент Бибылты Анатолий бафыста барамынд майы улӕфт бонтӕ адарддӕр кӕныны фӕдыл – ӕнӕкусӕгон бонтӕ уыдзысты 1-ӕй 10-ӕм маймӕ. Документ ныммыхуыр кодтой паддзахады сӕргълӕууӕджы официалон сайтыл.

"Коронавирусы апарахаты фӕкъаддӕры тенденци бавӕрын, Республикӕ Хуссар Ирыстоны ӕмбӕстӕгты ӕнӕниздзинад сфидар кӕнын ӕмӕ Республикӕ Хуссар Ирыстоны Конституцийы 47-ӕм статьямӕ гӕсгӕ снысан кодтон 2021 азы 4-ӕй 7-ӕм маймӕ ӕнӕкугон бонтӕй", - дзырдӕуы барамынды тексты.

Раздӕр, бӕрӕгбонты къӕлиндар ӕмӕ хицауады барамындмӕ гӕсгӕ, Хуссар Ирыстоны цӕрджытӕм ӕнхъӕлмӕ кастысты улӕфт бонтӕ 1-ӕй 3-ӕм маймӕ Фӕллойады боны цытӕн, афтӕ ма 8-ӕй 10-ӕм маймӕ Стыр Уӕлахизы боны цытӕн.

Ивгъуыд къуыри майы бӕрӕгбонтӕ адарддӕр кодтой Уӕрӕсейы дӕр – президент Владимир Путин хорзыл банымадта Роспотребнадзоры сӕргълӕууӕджы хъӕппӕрис ӕмӕ расидт ӕнӕкусӕгон бонтӕ 1-ӕй 10-ӕм маймӕ.

9
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6