РХИ хицауады рабадт

Бюджет ӕмӕ кредит дзулфыцӕн заводӕн: президент ауагъта Хуссар Иры хицауады рабадт

7
(ранӕуӕггонд 15:19 26.04.2021)
Ацы аз республикӕйы паддзахадон бюджеты ӕфтиӕгты хай фӕфылдӕр иу миллиард сомы бӕрц. Ацы фӕрӕзтӕ ацӕудзысты социалон-экономикон райрӕзтмӕ, банысан кодта рабадты рӕстӕджы финансты министр

ЦХИНВАЛ, 26 апр - Sputnik. Хуссар Ирыстоны паддзахадон бюджетмӕ ивындзинӕдтӕ ӕмӕ дзулфыцӕн заводӕн кредит бафидыны фӕдыл паддзахадон гарантитӕ адарддӕр кӕныны фарсты тыххӕй ӕрдзырдтой хицауады рабадтыл, кӕцы къуырисӕры ацыд президент Бибылты Анатолийы къухдариуӕгады бын. Уый тыххӕй хъусын кӕны паддзахады сӕргълӕууӕджы пресс-службӕ.

Финансты министр Хӕбӕлаты Аза куыд банысан кодта, афтӕмӕй Хуссар Ирыстон ӕмӕ Уӕрӕсейы хсӕн социалон-экономикон ӕмгуыстады фӕдыл ӕхсӕнхицауадон къамисы скъуыддзагмӕ гӕсгӕ, 2021 азмӕ паддзахадон бюджеты ӕфтиӕгты хай фӕфылдӕр 963 милуан сомы бӕрц ацы статьямӕ гӕсгӕ: "Финансон ӕххуыс Хуссар Ирыстонӕн социалон-экономикон райрӕзтӕн инвестицион мадзӕлттӕй дарддӕр".

Фӕфылдӕр уыдзscns паддзахадон бюджеты ӕфтиӕгтӕ (3,5 милуан сомы) ацы статьямӕ гӕсгӕ: "РХИ Национ банчы ӕфтиагӕй фиддонтӕ".

Афтӕ ма, паддзахадон гарантитӕ дӕттынц Паддзахадон унитарон куыстуат "Ирагропромсервис"-ӕн, цӕмӕй сӕххӕст кӕной сӕ хӕслӕвӕрдтӕ кредитон бадзырдмӕ гӕсгӕ, кӕцы бафыстӕуыд РХИ Нfцион банкимӕ хъӕууон хӕдзарадон техникӕ балхӕныны фӕдыл 62 милуан сомы бӕрц.

"Хъӕууон хӕдзарадӕн баххуыс кӕныны фӕдыл мах абон ӕлхӕнӕм хъӕууон хӕдзарадон техникӕ. Уый тынг ахсджиаг ӕмӕ ӕнӕмӕнгхъӕуӕг у куыд фермерон хӕдзарадтӕн, афтӕ хисӕрмагонд секторӕн дӕр", - бахахх кодта Бибылты Анатолий.

Уымӕй дарддӕр, рабадты рӕстӕджы сфидар кодтой хицауады уынаффӕйы проект, кӕцымӕ гӕсгӕ адарддӕр кодтой Национ банчы паддзахадон гарантитӕ кредиты фӕдыл, кӕцы уый размӕ радтой дзулфыцӕн куыстуатӕн.

Ӕмбарынгӕнӕн фыстӕджы банысангонд ӕрцыд, дзулфыцӕн заводӕн паддзахадон гарантитӕ адарддӕр кодтой 2023 азы 30-ӕм ноябрмӕ.

Падзахады сӕргълӕууӕг бахахх кодта уый фӕдыл, паддзахадон гарантитӕ ацы ӕмгъуыды фӕстӕ кӕй нал адарддӕр кӕндзысты.

"Хъӕуы ссарын фадӕттӕ кредит бафидынӕн 2023 азмӕ, уый фӕстӕ гарантитӕ нал адарддӕр кӕндзыстӕм", - бахахх кодта Бибылты Анатолий.

Афтӕ ма, президент бахӕс кодта сӕудӕджерад, транспорт ӕмӕ энергетикӕйы фӕдыл комитеты сӕрдары хӕстӕ ӕххӕстгӕнӕг Коцты Петрӕн саразын куырдиат куыстуаты кредит бафидыны фӕдыл ӕмӕ йӕ бавдисын хицауады аппаратмӕ майы кӕрӕттӕм. Паддзахады сӕргълӕууӕджы фӕдзӕхст сӕххӕст кӕнынмӕ йӕ хъус дардзӕн Бекъойты Геннадий.

7
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6