Транскамы ӕрцыд цъыфы зӕй

Транскамыл ӕрцыд цъыфы зӕй

188
(ранӕуӕггонд 15:47 26.04.2021)
Цъыфы зӕй рцыд транскавказы автомагистралыл Буроны тоннельмӕ хӕстӕг, фӕлӕ фӕндагон змӕлд не рлӕууын кодта

ЦХИНВАЛ, 26 апр — Sputnik, Плиты Фатимӕ. Хуссар Ирыстон ӕмӕ Уӕрӕсейы хсӕн Транскавказаг автомагистралыл ӕрцыд цъыфы зӕй, фӕлӕ фӕндаггон змӕлд цӕуы трассӕйыл, фехъусын кодта Sputnik Уӕлвӕткон уавӕрты министрады радгӕсон службӕйы.

Зӕй ӕрцыд къуырисӕры сихорыл.

"Цъыфы зӕй ӕрцыд Буроны тоннельмӕ хӕстӕг, фӕлӕ фӕндагон змӕлд не рлӕууын кодта. Ныридӕгӕн трассӕ асыгъдӕг кодой", - загътой уагдоны.

УУМ ма банысан кодтой, фӕндагыл боныгъӕд кӕй у хорз, ӕнӕ дӕлдзырӕдтӕй.

Транскавказаг автомагистраль - бӕрзондхӕххон иунӕг трассӕ, кӕцы иу кӕны Хуссар Ирыстон Уӕрӕсеимӕ. Зымӕгон рӕстӕг фӕндагыл арӕх фӕзынынц зындзинӕдтӕ митуард ӕмӕ зӕйты тыххӕй. Арӕх республикӕ фӕиппӕрд вӕййы ӕнӕхъӕн дунейӕ цалдӕр бонмӕ зӕйты ӕрцыды аххосӕй.

188
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2
РХИ парламенты сесси

Парламент ӕркӕсдзӕн дыууӕ депутаты нӕфӕцагайгӕдзинад ацух кӕныны фӕдыл куырдиатмӕ

4
(ранӕуӕггонд 13:49 18.05.2021)
Плиты Александр ӕмӕ Санахъоты Давиды депутатон нӕфӕцагайгӕдзинад ацух кӕныны фӕдыл куырдиат ӕрбацыд парламентмӕ Дзӕгъиаты Уырызмӕг нырма генпрокурор куы уыд, уӕд. Вице-спикер бамбарын кодта, Дзӕгъиаты Уырызмӕджы бафысгӕ куырдиатмӕ ӕртыццӕджы цӕмӕн ӕрксӕдзысты, уый

ЦХИНВАЛ, 18 мая – Sputnik, Козаты Диана. Хуссар Ирыстоны парламент ӕртыццӕджы ӕркӕсдзӕн генералон прокуроры дыууӕ куырдиатмӕ депутатон нӕфӕцагайгӕдзинадӕй ацух кӕныны фӕдыл.

Фарон сентябры Генпрокуратурӕ фехъусын кодта, республикӕйы Уӕлдӕр тӕрхондонмӕ кӕй барвыстой куырдиӕттӕ вице-спикер Плиты Александр ӕмӕ депутат Санахъоты Давиды фӕдыл. Санахъоты Давиды азымджын кӕнынц публикон ралӕуды рӕстӕджы мӕнг дзурыны, Плиты Александры та документты мӕнгарӕзт ӕмӕ бамбӕхсты.

"Генпрокуроры куырдиат Плиты Александр ӕмӕ Санахъоты Давиды депутатон нӕфӕцагайгӕдзинадӕй ацух кӕныны фӕдыл парламентмӕ ӕрбацыдысты раздӕр, генералон прокурор нырма Дзӕгъиаты Уырызмӕг куы уыд, уӕд. Мах ныддаргъ кодтам ацы фарстытӕм ӕркаст республикӕйы уавӕры тыххӕй. Алцыдӕр дзы у законмӕ гӕсгӕ, фехӕлдтӕ дзы нӕй. Ӕмӕ абон парламенты президиум аскъуыддзаг кодта рахӕссын ацы фарст сессимӕ", - фехъусын кодта Sputnik фыццаг вице-спикер Гасситы Петр.

Гасситы Петр бахахх кодта, зӕгъгӕ, хъӕуы ӕмбарын, депутаты нӕфӕцагайгӕдзинад ӕмӕ мандатӕй ацух кӕнын сты хицӕн цаутӕ.

"Генпрокуроры куырдиат хорзыл банымайой ӕви нӕ, уӕддӕр Санахъоты Давид ӕмӕ Плиты Александрӕн ис бар дарддӕр ӕххӕст кӕнын сӕ депутатон хӕслӕвӕрдтӕ", - бафтыдта уый.

Парламенты сессийыл, кӕцы нывӕндынц ауадзын ӕртыццӕджы, 19 майы, ӕркӕсдзысты президенты куырдиатмӕ дӕр Багаты Магомеды кандидатурӕйы фӕдыл генералон прокуроры бынатмӕ.

4