Хуссар Иры боксертӕ райдыдтой тохтӕ ЦКФЗ ерысты

Хуссар Иры боксертӕн райдыдтой тохтӕ ЦКФЗ ерысты

38
(ранӕуӕггонд 10:08 27.04.2021)
Нӕ республикӕйы спортивон кад хъахъхъӕнынц ӕртӕ боксеры, ерысты фӕлгӕтты уыдон рамбылдтой дыууӕ тохы

ЦХИНВАЛ, 27 апр - Sputnik, Плиты Фатимӕ. Хуссар Ирыстоны Боксы скъолайы минӕвӕрттӕн райдыдтой тохтӕ Цӕгат Кавказы федералон зылды ерысты фӕлгӕтты. Дыууӕ лӕппуйы ныддӕрӕн кодтой сӕ ныхмӕлӕуджыты, иу дзы ӕмсӕр тохы фӕхӕрд ис, уый тыххӕй Sputnik фехъусын кодта сӕ тренер Куымӕридтаты Родион.

"Санахъоты Андрей ӕмӕ Гуыцмӕзты Руслан рамбылдтой сӕ фыццаг тохтӕ, Гуыцмӕзты Тамерлан тынг хорз архайдта, фӕлӕ фӕхӕрд ис фӕлтӕрд боксерӕн. Ацы ерыстӕ сты ахсджиаг ӕмӕ дзы тох кӕны зонӕйы хуыздӕр боксертӕ",- загъта тренер.

Уый ма бафтыдта, финалон тохтӕ ацӕудзысты 30 апрелы.

"Фӕйнӕ дыууӕ тох ма сын уыдзӕн финалы агъоммӕ. Финалон тохтӕ нысан сты майрӕмбонмӕ",- бафтыдта уый.

Цӕгат Кавказы федералон зылды ерыстӕ цӕудзысты 30 апрельмӕ, ам фӕсивӕд ӕвзӕрст цӕуынц Уӕрӕсейы фыццагадмӕ.

  • Хуссар Иры боксертӕ райдыдтой тохтӕ ЦКФЗ ерысты
    Хуссар Иры боксертӕ райдыдтой тохтӕ ЦКФЗ ерысты
    © Photo : Из архива тренера Р. Кумаритова
  • Хуссар Иры боксертӕ райдыдтой тохтӕ ЦКФЗ ерысты
    Хуссар Иры боксертӕ райдыдтой тохтӕ ЦКФЗ ерысты
    © Photo : Из архива тренера Р. Кумаритова
1 / 2
© Photo : Из архива тренера Р. Кумаритова
Хуссар Иры боксертӕ райдыдтой тохтӕ ЦКФЗ ерысты
38
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4