Уæлахизы диктант

"Нæ иумæйаг хæрзиуæг": Хуссар Ир ногæй æрбаиу уыдзæн "Уæлахизы диктантмæ"

5
(ранӕуӕггонд 15:36 27.04.2021)
Фыццаг хатт акци республикæйы ацыд æртæ азы размæ, уæдæн нырмæ йæ хайадисджыты нымæц кæны фылдæрæй фылдæр - ацы хатт та организатортæ æнхъæлмæ кæсынц 150-йæ фылдæр адæймагмæ

ЦХИНВАЛ, 27 апр – Sputnik, Тъехты Дзерассæ. Хуссар Ирыстон 29 апрелы радон хатт æрбаиу уыдзæн æппæтуæрæсейон акци "Уæлахизы диктант"-мæ, фехъусын кодта Sputnik республикæйы Россотрудничествойы минæварады къухдариуæггæнæг Сергей Скворцов.

Йæ ныхæстæм гæсгæ, ацы аз акци ацæудзæн æртæ фæзуатыл - Паддзахадон университеты,  Цхинвалы 6-æм астæуккаг скъолайы æмæ Анахарсисы номыл республикон библиотекæйы.

"Уый у нæ иумæйаг хæрзиуæг, нæ фыдты æмæ дадаты мысæн мадзал, кæцытæ бавзæрстой тынг бирæ фыдæбæттæ æмæ бахъахъхъæдтой нæ райгуырæн бæстæ", - бахахх кодта Скворцов.

Уый банысан кодта, мадзалы хайад райсыны фадат кæй ис алкæмæн дæр, æрмæст æрсидт, цæмæй уыдон развæлгъау сæхи срегистраци кæной хайадисджыты иумæйаг нымæц зоныны нысанæн.

"Фæлæ æрмæст диктанты бон чи æрбацæуа, уыдоны дæр ничи расурдзæн", - банысан кодта Россотрудничествойы сæргълæууæг.

Сергей Скворцов ма фехъусын кодта, мадзалы хайад райсæн кæй ис онлайн-форматы. Уый тыххæй хъæуы бахизын сайтмæ диктантпобеды.рф æмæ дзы срегистраци кæнын инструкцимæ гæсгæ.

Фыццаг хатт акци республикæйы ацыд æртæ азы размæ, уæдæн нырмæ йæ хайадисджыты нымæц кæны фылдæрæй фылдæ. Ацы хатт та организатортæ æнхъæлмæ кæсынц 150-йæ фылдæр адæймагмæ.

5
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

1
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
1
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2