Хуссар Иры сфидар кæндзысты ног майдан

"Дунейы рынимæ æнувыд тохы тыхæй": Хуссар Иры сфидар кæндзысты ног майдан

10
(ранӕуӕггонд 10:45 28.04.2021)
Апрелы райдайæны медицинæйы фадыджы кусджыты хорзæх кæныны рæстæджы паддзахады разамонæг фехъусын кодта, коронавирусы ныхмæ цы медиктæ æмæ волонтертæ тох кодтой, уыдон лæггадæн саргъ кæндзысты сæрмагонд хорзæхæй

ЦХИНВАЛ, 28 апр - Sputnik, Плиты Фатимӕ. Хуссар Ирыстоны фæнд кæнынц бакæнын æнæниздзинады фадыджы сæрмагонд майдан "Дунейы рынимæ æнувыд тохы тыхæй". Хорзæхæй рахицæн кæндзысты, 2020 азы "Сырх зонæ"-йы удуæлдай куыст чи кодта, уыцы медикты.

Майдан бакæныны хъæппæрис раразмæ кодта президент Бибылты Анатолий. Апрелы райдайæны медицинæйы фадыджы кусджыты хорзæх кæныны рæстæджы паддзахады разамонæг фехъусын кодта, коронавирусы ныхмæ цы медиктæ æмæ волонтертæ тох кодтой, уыдон лæггадæн кæй саргъ кæндзысты сæрмагонд хорзæхæй.

Майдан "Дунейы рынимæ æнувыд тохы тыхæй" сфидар кæныны тыххæй фарстмæ абон æркæсдзæн Хуссар Ирыстоны закондæттæг орган. Уый фæдыл раныхас сараздзæн вице-спикер Плиты Александр.

Уымæй размæ сæрмагонд хорзæхтæ бакодтой Уæрæсейы дæр падемийы рæстæджы цы медиктæ куыстой, уыдонæн.

Хуссар Ирыстоны 2020 азы фæззæджы аппарахат ис коронавирусы инфекци, æнæниздзинады фадыг уый бæрц рынчынтимæ архайынмæ цæттæ нæ разынд. Уæд медиктæм æххуысмæ бамбал сты волонтертæ, фæстæдæр Хуссар Ирыстонмæ æрцыд УФ хъахъхъæнынады министрады быдырон госпиталь. 

10
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6