Хæбæлаты Аза

Финансты министр радзырдта, кæмæн æмæ цас фæфылдæр уыдзысты сæ мыздтæ хуссар Иры

7
(ранӕуӕггонд 13:54 28.04.2021)
Республикæйы хицауад бæлвырдæй нæ дзуры, кæд фæфылдæр уыдзысты мыздтæ, æрмæст бамбарын кодтой, æмбæстæгтæн фæфылдæргонд мызд кæй бафиддзысты 2021 азæй банымайгæйæ

ЦХИНВАЛ, 28 апр - Sputnik, Козаты Диана. Хуссар Иры фæфылдæр уыдзысты дыууæ мины онг паддзахадон кусджыты мыздтæ. фехъусын кодта парламенты сессийыл республикæйы финансты министр Хæбæлаты Аза.

Уый бамбарын кодта, зæгъгæ, мыздты фæфылдæр цы æмбæстæгтыл бандавдзæн, уыдон иумæйаг нымæц у 1894 адæймаджы.

"Уыдонæй 1395 - паддзахадон кусджытæ, кæцытæ архайынц æххæстгæнæн хицауады органты. Сæ астæуккаг куыстмызд абоны бон у 17 мин сомы, нывæзтмæ гæсгæ уый хъуамæ фæфылдæр уа 31 мины онг. Ноджы ма иу къорд - паддзахадон кусджытæ, кæцытæ фæллой кæнынц хицауады быннæттон органты. Уыдон мыздтæ та 10 мин сомæй фæфылдæр уыдзысты 26 мины онг", - бамбарын кодта Хæбæлаты Аза.

Уый ма бафтыдта, паддзахадон бынæтты кусджыты нымæц кæй у 85 адæймаджы. Ацы категорийы мызд ныртæккæ у 56 мин сомы. Уый та фæнд кæнынц фæфылдæр кæнын 105 мин сомы онг.

7
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4