Сергей Лавров

Лавров радзырдта Донбасс, Абхаз ӕмӕ Хуссар Иры уавӕрты хицӕндзинӕдты тыххӕй

13
(ранӕуӕггонд 13:29 28.04.2021)
Йӕ ныхӕстӕм гӕсгӕ, "Саркози, Мӕскуыйы махимӕ куы бадзырдта, уӕд атахт Тбилисмӕ, цӕмӕй ацы документ хорзыл банымайы Саакашвили дӕр"

ЦХИНВАЛ, 28 апр - Sputnik. Донбассы уавӕр ӕмӕ Абхаз ӕмӕ Хуссар Ирыстоны цауты хсӕн ис аналогитӕ, фӕлӕ ма дзы ис ахсджиаг хицӕндзинад дӕр, фехъусын кодта йӕ интервьюйы РИА Новостийӕн УФ Фӕсарӕйнаг хъуыддӕгты министрады (ФХМ) сӕргълӕууӕг Сергей Лавров.

"Абхаз ӕмӕ Хуссар Ирыстоны, Саакашвилийы агресси куы сӕххӕст Цхинвалмӕ, фидауынгӕнджыты позцитӕм, уӕд уым нӕ бафыстӕуыд ницы бадзырдтӕ, кӕцытӕ уыдаиккой аналогион Минскы мадзӕлтты комплексӕн. Уым нӕ бафыстой, фӕлӕ ӕрдзырдтой Медведев-Саркози документыл (Уӕрӕсе ӕмӕ Францийы раздӕры президенттӕ Дмитрий Медведев ӕмӕ Николя Саркози), кӕцымӕ гӕсгӕ хъуамӕ сарӕзтаиккой цалдӕры къахдзӕфы, фӕлӕ кӕцы нӕ бафыста Гуырдзыстон", - загъта Лавров.

Йӕ ныхӕстӕм гӕсгӕ, "Саркози, Мӕскуыйы махимӕ куы бадзырдта, уӕд атахт Тбилисмӕ, цӕмӕй ацы документ хорзыл банымайы Саакашвили дӕр".

"Саакашвили бафыста ацы документ, фӕлӕ дзы ахахх кодта цалдӕр вазыгджын пункты. Саркози уый хъуамӕ равдыстаид куыд компромисс, фӕлӕ алчидӕр бамбӕрста ӕцӕг мидис. Документ райдыдта уым преамбулӕйӕ – Уӕрӕсейы Федераци ӕмӕ Французаг Республикӕ, Фӕскавказы уавӕр фӕхуыздӕр кӕнын хынцгӕйӕ, ӕнхъары Гуырдзыстон, Хуссар Ирыстон ӕмӕ Абхазӕн: ӕруромын ӕхст…Ацы хъуыдыйад Саакашвили ахахх кодта ӕмӕ рацыд, фыццаг пункт – ӕруромын ӕхст ӕмӕ дарддӕр. Уӕдӕй фӕстӕмӕ Скӕсӕны бӕстӕтӕ махӕй домынц ӕххӕст кӕнын ацы бадзырдтӕ", - банысан кодта Лавров.

"Донббассы та уавӕр уыд ӕндӕр, 17-сахатон баныхас Минскы "нормандон форматы" лидерты хайадистӕй – Францийы президент Франсуа Олланд, Германийы канцлер Ангела Меркель, Украинайы президент Петр Порошенко, УФ президент Владимир Путин – радтой фӕстиуӕг, кӕцы дыууӕ боны фӕстӕ сфидар кодтой ИНО Ӕдасдзинады Советы", - бахахх кодта ФХМ сӕргълӕууӕг.

13
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6