Хуссар Иры Национ банк рахиздзӕн куыстмӕ майы улӕфт бонты, цӕмӕй бафидой мыздтӕ

Хуссар Иры Национ банк рахиздзӕн куыстмӕ майы улӕфт бонты, цӕмӕй бафидой мыздтӕ

7
(ранӕуӕггонд 09:34 29.04.2021)
Амӕйразмӕ Хуссар Ирыстоны президент бахӕс кодта республикӕйы финансты министрадӕн рӕстӕгыл бафидын мыздтӕ ӕмӕ пенситӕ майы улӕфт бонтӕм ӕнӕкӕсгӕйӕ

ЦХИНВАЛ, 29 апр – Sputnik, Тъехты Дзерассӕ. Хуссар Ирыстоны Национ банк кусдзӕн 3, 4 ӕмӕ 5 майы, цӕмӕй бафидой республикӕйы ӕмбӕстӕгтӕн мыздтӕ ӕмӕ пенситӕ, фехъусын кодта Sputnik Хуссар Ирыстоны Национ банчы сӕргълӕууӕг Джиоты Жанна.

"Мах рахиздзыстӕм куыстмӕ, цӕмӕй бафидӕм мыздтӕ, афтӕ ма уӕрӕсейаг (кӕд уыдон ӕрбацӕуой майрӕмбоны онг) ӕмӕ бынӕттон пенситӕ. Абон уый фӕдыл информаци бахӕццӕ кодтам РХИ Сбербанкы къухдариуӕгадмӕ", - бахахх кодта Джиоты Жанна.

Йӕ ныхӕстӕм гӕсгӕ, бӕрӕгбонты рӕстӕджы банк нӕ ӕххӕст кӕндзӕн фиддонтӕ Уӕрӕсе ӕмӕ Хуссар Ирыстоны хсӕн, уымӕн ӕмӕ уӕрӕсейаг банк, кӕцыимӕ ӕмгуыстад кӕны Национ банк, кусы Уӕрӕсейы бӕрӕгбонты къӕлиндармӕ гӕсгӕ, цы ран 1-ӕй 10-ӕм майы онг сты улӕфт бонтӕ.

Кредитты тыххӕй Джиоты Жанна банысан кодта, уыдоны ӕмгъуыд кӕй адарддӕр кодтой. Национ банчы сӕ бафидын уыдзӕн гӕнӕн фыццаг кусӕгон бон – 11 майы, бынӕттон Сбербанкы та – 11-ӕй 15-ӕм маймӕ.

Президент къуырисӕры бафыста барамынд майы улӕфт бонты фӕдыл, кӕцымӕ гӕсгӕ ӕнӕкусӕгон бонтӕ уыдзысты 1-ӕй 10-ӕм майы онг.

7
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4