Зӕронд хид

Хуссар Иры депутаттӕ ӕрдзырдтой Зӕронд хиды фарстыл

12
Арӕзтады министрады минӕвар базонгӕ кодта депутатты хид рауӕрӕх кӕныны нывӕзтимӕ, фӕлӕ культурон цыртдзӕвӕнты хъахъхъӕныны хайады хистӕр банысан кодта, хиды цур бӕстыхӕйттӕ кӕй нӕй гӕнӕн фехалын

ЦХИНВАЛ, 29 апр – Sputnik. Цхинвалы Зӕронд хиды бынаты ног ӕхсӕз метры фӕтӕн хиды арӕзтад фӕзынын кӕндзӕн зындзинӕдтӕ, уымӕн ӕмӕ йӕ алыварс бӕстыхӕйттӕ, кӕцытӕ сты архитектурон цыртдзӕвӕнтӕ, нӕй гӕнӕн фехалын, фехъусын кодта сӕудӕджерад, арӕзтад, транспорт, бастдзинад ӕмӕ ӕрдзон ресурсты фӕдыл парламентон комитеты сӕрдар Ӕлборты Алан.

Парламенты комитетты рабадтыл Хуссар Ирыстоны арӕзтады министры хӕдивӕг фехъусын кодта, зӕронд хид фехалыны фӕстӕ нывӕндынц рауӕрӕх кӕнын ног хид ӕхсӕз метры онг.

"Ӕмбӕлон басгӕрсты фӕстиуджытӕм гӕсгӕ, кӕцы ауагътой фарон, аскъуыддзаг кодтой раивын зӕронд хид ногыл, уымӕн ӕмӕ уый ис аварион уавӕры ӕмӕ йӕ нӕй гӕнӕн цалцӕг кӕнын. Йӕ бӕсты нывӕндынц саразын ног хид, фӕлӕ зӕронд хиды хуыз бавӕрдзысты. Афтӕ ма нывӕндынц рауӕрӕх кӕнын хид ӕхсӕз метры онг", - фехъусын кодта министры хӕдивӕг.

Ӕлборты Алан куыд банысан кодта, афтӕмӕй ахӕм скъуыддзаг фӕзынын кӕндзӕн зындзинӕдтӕ хиды уылты фӕндагон змӕлдӕн, уымӕн ӕмӕ йӕ алыварс бӕстыхӕйттӕ нӕй гӕнӕн фехалын, уый тыххӕй ӕмӕ сты архитектурон цыртдзӕвӕнтӕ.

Культурӕйы министрады архитектурӕйы цыртдзӕвӕнты хъахъхъӕныны хайды хистӕр Табуты Нелли бахахх кодта, хид кӕй ис ӕвзӕр уавӕры, фӕлӕ бӕрӕг нӕу, аварион у ӕви нӕ. Уый банысан кодта, ӕнӕмӕнг кӕй у культурон объекты консерваци, цӕмӕй йын фӕстӕдӕр фӕхуыздӕр кӕной йӕ хуыз.

"Ног хид ӕддагон миниуджытӕм гӕсгӕ нӕ хауы районы архитектурӕмӕ, афтӕ ма нӕ ӕххӕст кӕндзӕн йӕ функционалон хӕслӕвӕрдтӕ дӕр. Уымӕн ӕмӕ нӕй гӕнӕн фехалын йӕ алыварс бӕстыхӕйттӕ. Уыдон бавӕрдзысты ӕмӕ сӕ сцалцӕг кӕндзысты", - загъта Табуты Нелли.

Депутаттӕ аскъуыддзаг кодтой рахӕссын фарст закондӕттӕг органы президиумы рабадтмӕ, цӕмӕй хиды фарсты фӕдыл ма фехалой республикӕйы законтӕ.

12
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6