Уӕлахизы диктант

Уӕрӕсейаг ӕфсӕддонтӕ Хуссар Иры хайад райсдзысты акци "Уӕлахизы диктант"-ы

2
(ранӕуӕггонд 13:14 29.04.2021)
Амӕйразмӕ хъусын кодтой, Хуссар Ирыстон радон хатт кӕй ӕрбаиу уыдзӕн масштабон акцимӕ, кӕцы ацӕудзӕн республикӕйы ӕртӕ фӕзуатыл

ЦХИНВАЛ, 29 апр – Sputnik. Уӕрӕсейаг ӕфсӕддонтӕ Хуссар Ирыстон ӕрбаиу уыдзысты ӕхсӕнадӕмон акци "Уӕлахизы диктант"-мӕ, хъусын кӕны Хуссар ӕфсӕддон зылды пресс-службӕ.

"Акцийы хайад райсдзысты 1,5 минӕй фылдӕр адӕймаджы, сӕ нымӕцы Хуссар ӕфсӕддон базӕйы ӕфсӕддонтӕ, сӕ бинонтӕ, уӕрӕсейаг базӕйы граждайнаг специалисттӕ, афтӕ ма Ӕппӕтуӕрӕсейон сывӕллӕтты-ӕрыгӕтты ӕфсӕддон-патриотикон ӕхсӕнадон змӕлд "Юнармия"-йы хайадисджытӕ", - дзырдӕуы пресс-службӕйы хъусинаджы.

Акци ауадздзысты сӕрмагонд фӕзуаттыл ӕмӕ аудиториты, афтӕ ма полигон Дзарцъемы. Мадзалы сӕйраг нысан у бавӕрын историон мысӕн, хуыздӕр сахуыр кӕнын Стыр Фыдыбӕстон хӕсты истори.

"Уӕлахизы диктант"-ы хайад райсыны бар ис алкӕмӕндӕр, уый тыххӕй хъӕуы регистраци рацӕуын официалон сайт диктантпобеды.рф-ы.

2
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4