Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

Ӕнӕрлӕугӕ рыст: Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

7
(ранӕуӕггонд 13:42 29.04.2021)
Ӕртын азы размӕ ӕрцӕугӕ ӕрдзон бӕллӕхы амӕттӕгтӕ баисты Дзауы районы 59 цӕрӕджы, уыдонӕй дыууынӕй фылдӕр уыдысты сывӕллӕттӕ. Ӕртӕ ахуырдзауы амардысты скъола-интернаты лӕсӕнты бын

ЦХИНВАЛ, 29 апр – Sputnik, Козаты Диана. Хуссар Ирыстоны иууыл карздӕр зӕххӕнкъуыстӕй сӕ иуӕй рацыд ӕртын азы. Республикӕйы цыппӕрӕмы ссардтой ацы трагедийы амӕттӕгты рухс нӕмттӕ. Фыдохы митинг ацыд Дзауы районы центры.

Хуссар Ирыстоны ссардтой зӕххӕнкъуысты амӕттӕгты рухс нӕмттӕ, кӕцы ӕрцыд Дзауы районы 1991 азы 29 апрелы. Зӕххӕнкъуысты эпицентр 9 баллы магнитудӕйы уыд Дзауы районон центры цур. Поселок ныппырх, Хахеты хъӕу та ацыд зӕххы бын йӕ 42 цӕрӕгимӕ иумӕ.

Последствия землетрясения в поселке Дзау и Хахет, произошедшего в 1991 году
Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

Зӕххӕнкъуысты амӕттӕгтӕ ӕдӕппӕт баисты 59 адӕймаджы, уыдонӕй 21 уыдысты сывӕллӕттӕ. Амӕттӕгты нымӕц уыдаид фылдӕр, фӕлӕ уыцы бон районы къухдариуӕгад ӕрӕмбырд кодта адӕмы Гуырдзыстоны уӕды къухдариуӕгады скъуыддзаджы ныхмӕ, кӕцымӕ гӕсгӕ хъуамӕ аивтаиккой Хуссар Ирыстоны Дзау ӕмӕ Знауыры административон районты статус.

Последствия землетрясения в поселке Дзау и Хахет, произошедшего в 1991 году
Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

"Хистӕр кары адӕм хъуыды кӕнынц, цахӕм цард уыд Дзауы районы зӕххӕнкъуысты размӕ. Фӕлӕ алцыдӕр фӕивта иу уысмӕ – амард бирӕ адӕм, ныппырх сты хӕдзӕрттӕ", - загъта районы разамонӕг Джиоты Андрей.

Уыцы зӕххӕнкъуысты уымӕн амард йӕ фыды фыд Джиоты Сардион. Уый уыд йӕ кабинеты партийы райкомы бӕстыхайы. Йӕ мӕрдон буар ын ссардтой ӕрмӕстдӕр фондз боны фӕстӕ.

Тридцатая годовщина землетрясения в Дзауском районе Южной Осетии
© Sputnik / Natalia Airiyan
Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

Абоны митинг бабӕрӕг кодта президент Бибылты Анатолий. Уый зӕрдыл ӕрбалӕууын кодта, зӕххӕнкъуыстӕй иу бон раздӕр, 1991 азы 28 апрелы, Хуссар Ирыстоны ӕрцыд ноджы иу трагеди – Ленингоры районы авд цӕрӕджы амардтой гуырдзиаг агрессортӕ.

"Зӕххӕнкъуыст фӕриссын кодта Ирыстоны хуссар ӕмӕ цӕгаттаг хайы алкӕцы цӕрӕджы зӕрдӕ дӕр. Уымӕн ӕмӕ раздӕр ӕнӕхъӕн хъӕу никуы фӕцис зӕххы бын. Ирыстон уый размӕ иу уысмӕ никуы фесӕфта 21 сабийы", - загъта Бибылты Анатолий.
Тридцатая годовщина землетрясения в Дзауском районе Южной Осетии
© Sputnik / Natalia Airiyan
Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

 

Паддзахады сӕргълӕууӕг бахахх кодта, кӕй нӕй гӕнӕн тох кӕнын ӕрдзимӕ, фӕлӕ, ӕвӕццӕгӕн, Хуыцау ӕмӕ зӕдтӕ хъахъхъӕдтой Ирыстон, уымӕн ӕмӕ уыцы рӕстӕджы районы цӕрджытӕ уыдысты митингы.

Ӕрӕмбырдуӕвджытӕ ссардтой зӕххӕнкъуысты рухс нӕмттӕ иу уысм ӕдзӕмӕй алӕугӕйӕ.

Тридцатая годовщина землетрясения в Дзауском районе Южной Осетии
© Sputnik / Natalia Airiyan
Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ

Бибылты Анатолий тӕфӕрфӕс ракодта фӕмардуӕвджыты хиуӕттӕн, афтӕ ма йӕ цӕст бауарзта йе ‘мбӕстӕгтӕн тыхтӕ ӕмӕ тырнындзинад ирд сомбонмӕ.

Фыдохы митингы рӕстӕджы скъоладзаутӕ бакастысты ӕмдзӕвгӕтӕ, кӕцытӕ нывонд сты трагедийӕн. Районы центры цыртмӕ митингы хайадисджытӕ сӕвӕрдтой дидинтӕ ӕмӕ веноктӕ.

Тридцатая годовщина землетрясения в Дзауском районе Южной Осетии
© Sputnik / Natalia Airiyan
Хуссар Иры ссардтой 1991 азы зӕххӕнкъуысты амӕттӕгты рухс нӕмттӕ
7
Парламенты сесси

Хуссар Иры парламент фæнд кæны ауадзын сесси майрæмбоны

2
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

2
Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

Президенты хӕслӕвӕрдмӕ гӕсгӕ Знауыры районы Мугуты хъӕумӕ сараздзысты асфальт

6
(ранӕуӕггонд 16:56 03.08.2021)
Мугуты хъӕу у иунӕг, кӕцы фӕстаг ӕзты рцыд асфальт, йӕ иу хай сарӕзтой разамынад, аразинаг та баххӕст кӕндзысты Фӕндагарӕзтады комитет

ЦХИНВАЛ, 3 авг - Sputnik, Плиты Фатимӕ. Хуссар Ирыстоны Знауыры районы Мугуты хъӕумӕ фӕндаг президенты хӕслӕвӕрдмӕ гӕсгӕ бамбӕрздзысты асфальтӕй. Фӕндаг бӕтты столицӕ районы ӕртӕ хъӕуимӕ, фехъусын кодта Sputnik фӕндагон арӕзтады комитеты хистӕр Гуыззыдтаты Эдуард.

Фӕндаджы хай, кӕцы цӕуы Мугут ӕмӕ Тулдзыты хъӕуы мидӕг, уый арӕзт ӕрцыд 2018 азы Знауыры районы тыхтӕй. Ныридӕгӕн фӕндагон службӕты хъусдарды бын бахаудзӕн фӕндаджы 1 800 метры, кӕцы сбӕтдзӕн хъӕу Цхинвал-Знауыры трассӕимӕ.

"Фӕндаг кӕронмӕ арӕзт нӕ уыд. Президенты хӕслӕвӕрдмӕ гӕсгӕ аразӕм цы баззад, уый. Нӕ бӕрны ис 1850 метры дӕргъӕн фӕндаг, йӕ 50 процент цӕттӕ у асфальт кӕнынмӕ. Августы фыццаг хай хъуамӕ баххӕст кӕнӕм куыстытӕ",- загъта Гуыззыдтаты Эдуард.

Дыууӕ хъӕуы ис бирӕ цӕрӕгад, фылдӕр бӕрцӕй цӕрынц фӕндаггӕрӕтты. Хъӕуты цӕрджытӕ бирӕ ӕзты хъаст кодтой фӕндаджы рыджы бын кӕй фӕвӕййынц хъарм рӕстӕг, уымӕй. Сӕрдыгонд бон ацы фӕдагыл цӕуынц улӕфынмӕ донбылгӕрӕттӕм горӕты цӕрджытӕ.

"Раздӕр арӕзт ӕрцыд Тулдзыты хъӕуы мидӕг фӕндаг ӕмӕ Мугутӕн та йӕ иу хай. Ӕвзӕр фӕндагӕй дарддӕр мах тыхсӕм фӕндаджы рыгӕй, ам бирӕ хӕдтулгӕтӕ цӕуы Пронейы донбылгӕронмӕ улӕфынмӕ. Аразинаг ма цы баззад, уый куы баххӕст кӕной, уӕд бынтон сӕрибарӕй сулӕфдзыстӕм", - радзырдта хъӕуы цӕрӕг Виталий.

6