Хуссар Иры æхсæз адæймагæн фæливджытæ расайдтой сæ электронон хыгъдтæй фæрæзтæ

Хуссар Иры æхсæз адæймагæн фæливджытæ расайдтой сæ электронон хыгъдтæй фæрæзтæ

56
(ранӕуӕггонд 10:42 30.04.2021)
МХМ сайт сæвæрдта хъусинаг, цы ран барадхъахъхъæнæг органтæ хатынц дæммæ, цæмæй ма æргом кæной сæ банчы карта æмæ хыгъдты номыртæ

ЦХИНВАЛ, 29 апр - Sputnik, Плиты Фатимӕ. Хуссар Иры азы райдайæнæй æхсæз адæймагæн фæливджытæ расайдтой сæ электронон хыгъдтæй фæрæзтæ. Адæмæн сæ фæрæзтæ фесæфтысты интернеты уæй æмæ æлхæныны операцитæ æххæстгæнгæйæ, уый тыххæй Sputnik радзырдта РХИ æмæ УФ мидхъуыддæгты министрады информацион-координацион центры хайады хистæр Дзускъаты Сослан.

РХИ МХМ сайт сæвæрдта хъусинаг, цы ран  барадхъахъхъæнæг органтæ хатынц адæммæ, цæмæй ма æргом кæной сæ банчы карта æмæ хыгъдты номыртæ.

"Азы райдайæнæй нæм ис æхсæз куырдиаты. Адæм фæсайды сты уæй, науæд та æлхæныны операцитæ куы æххæст кодтой интернеты, афтæмæй. Уыдон сты бæрзонд бæрæггæнæнтæ Хуссар Ирыстонæн", - загъта Дзускъаты Сослан.

РХИ æмæ УФ мидхъуыддæгты министрады информацион-координацион центр хаты ахæм цаутыл чи фембæла, уыдон дзурын ахæм номыртыл - 45-21-02.

56
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4