Хуссар Иры цæрджытæн уыдзæн фадат майы бæрæгбонты æддагон æрвыстытæ саразын - Нацбанк

© Sputnik / Алексей КовалевБанк
Банк - Sputnik Хуссар Ирыстон, 1920, 30.04.2021
Рафыссын
Майы бæрæгбонты республикæйы æмбæстæгтæн уыдзæн фадат канд сæ мыздтæ райсын нæ, фæлæ ма сæ кредиттæ бафидынæн дæр æддагон æрвыстыты фæрцы

ЦХИНВАЛ, 30 апр – Sputnik, Козаты Диана. Майы дæргъвæтин улæфт бонтæм æнæкæсгæйæ, Хуссар Ирыстоны Национ банк араздзæн æддагон æрвыстытæ 4 æмæ 5 майы, фехъусын кодта Sputnik уагдоны сæргълæууæг Джиоты Жанна.

Хуссар Иры Национ банк рахиздзӕн куыстмӕ майы улӕфт бонты, цӕмӕй бафидой мыздтӕ - Sputnik Хуссар Ирыстон, 1920, 29.04.2021
Хуссар Иры Национ банк рахиздзӕн куыстмӕ майы улӕфт бонты, цӕмӕй бафидой мыздтӕ

Къуырисæры президент бафыста барамынд майы улæфт бонты фæдыл, кæцымæ гæсгæ æнæкусгæ бонтыл нымад æрцыдысты 1-10 майы. Финансты министрады банысан кодтой, бюджетон кусджытæ сæ мыздтæ кæй райсдзысты æрмæстдæр улæфтыты фæстæ. Уыцы фарст ссис хъаугъайаг цæрджыты хсæн, уый фæстæ бæстæйы сæргълæууæг бахæс кодта, цæмæй мыздтæ рæстæгыл радтой адæмæн.

Уый адыл Национ банк кусдзæн 3-5 майы.

"Нæ уæрæсейаг партнертæ нын фехъусын кодтой, 4 æмæ 5 майы сæ бон кæй уыдзæн Национ банчы æддагон æрвыстытæ саразын. Уымæ гæсгæ аскъуыддзаг кодтам, 4 æмæ 5 майы Национ банк кæй араздзæн æддагон æрвыстыты операцитæ", - загъта Джиоты Жанна.

Йæ ныхæстæм гæсгæ, ацы скъуыддзаг ист æрцыд, цæмæй æмбæстæгтæ республикæйæн æддейæ сæ кредиттæ бафидой рæстæгыл æмæ арвитой æхца се 'ввахс адæмæн.

Ног хабӕртты лентӕ
0