Хуссар Иры сывӕллӕтты омбудсмен аскъуыддзаг кодта иунӕг мады цӕрӕнуатон проблемӕ

Хуссар Иры сывӕллӕтты омбудсмен аскъуыддзаг кодта иунӕг мады цӕрӕнуатон проблемӕ

7
(ранӕуӕггонд 13:16 30.04.2021)
Ӕвзонг мад йӕ сабиимӕ рацӕудзӕн ног фатермӕ ӕввахс рӕстӕджы, сывӕллоны бакӕндзысты сабидонмӕ ӕмӕ йын сараздзысты ӕнӕмӕнгхъӕугӕ уавӕртӕ

ЦХИНВАЛ, 30 апр — Sputnik, Хъуылымбегты Зӕлинӕ. Хуссар Ирыстоны президенты цур сывӕллӕтты барты фӕдыл ӕвджиддар Цуырбаты Татьяна баххуыс кодта Знауыры районы цӕрӕг Гуссалты Ингайӕн, кӕцы иунӕгӕй хъомыл кӕны йӕ сабийы, аскъуыддзаг кӕнын цӕрӕнуатимӕ проблемӕ.

Детский омбудсмен Южной Осетии помогла матери-одиночке решить ее проблему с жильем
Из личного архива Татьяны Цховребовой
Хуссар Иры сывӕллӕтты омбудсмен аскъуыддзаг кодта иунӕг мады цӕрӕнуатон проблемӕ

Цхуырбаты Татьяна куыд радзырдта, афтӕмӕй Гуссалты Ингайы цӕрӕнуатон проблемӕйы тыххӕй уыдон базыдтой ӕххуысхъуаг бинонты фӕдыл мониторингы рӕстӕджы.

"Ацы фарст аскъуыддзаг кӕныны фӕдыл мах бадзырдтам Знауыры районы сӕргълӕууӕгмӕ, цы ран фыст у Гуссалты Инга. Сиукъаты Олег бахызт мады уавӕры, кӕцы бахауд уӕззау цардуагон уавӕры", - загъта Цхуырбаты Татьяна.

Йӕ ныхӕстӕм гӕсгӕ, рахастӕуыд скъуыддзаг, кӕцымӕ гӕсгӕ сылгоймагӕн рахицӕн кодтой иууатон фатер Знауыры поселочы.

Детский омбудсмен Южной Осетии помогла матери-одиночке решить ее проблему с жильем
Из личного архива Татьяны Цховребовой
Хуссар Иры сывӕллӕтты омбудсмен аскъуыддзаг кодта иунӕг мады цӕрӕнуатон проблемӕ
"Фатер басгӕрстой ӕмбӕлон службӕтӕ, уый фӕстӕ Знауыры районы бӕстыхайы сылгоймагӕн радтой ног фатеры дӕгъӕлтӕ", - банысан кодта сывӕллӕтты омбудсмен.

Цхуырбаты Татьяна бафтыдта, зӕгъгӕ, ӕвзонг мад йӕ сабиимӕ рацӕудзӕн ног фатермӕ ӕввахс рӕстӕджы, сывӕллоны бакӕндзысты сабидонмӕ ӕмӕ йын сараздзысты ӕнӕмӕнгхъӕугӕ уавӕртӕ.

7
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4