РХИ генпрокуратурӕ

ӔХМ сӕргълӕууӕджы х.ӕ. фӕнӕмыны фӕдыл зӕрдӕхсайгӕйы ныхмӕ бакодтой уголовон хъуыддаг

5
(ранӕуӕггонд 17:15 30.04.2021)
Тотчиты Георгийы ӕнӕниздзинадӕн зиан ӕрхӕссыны фӕдыл зӕрдӕ ӕхсайы республикӕйы столицӕйы 34-аздзыд цӕрӕгмӕ. Барадхъахъхъӕнджыты информацимӕ гӕсгӕ, цау ӕрцыд 27 апрелы изӕры Цхинвалы центры

ЦХИНВАЛ, 30 апр - Sputnik. Цхинвалы прокуратурӕ бакодта уголовон хъуыддаг Хуссар Ирыстоны ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгийы фӕнӕмыны фӕдыл. Уый тыххӕй майрӕмбоны хъусын кӕны генпрокуратурӕйы пресс-службӕ.

Амӕйразмӕ республикӕйы МХМ фехъусын кодтой, 27 апрелы, 21.30 сахатыл уазӕгдон "Ирыстон"-ы цур Цхинвалы 34-аздзыд цӕрӕг фӕнадта Ӕнӕниздзинады хъахъхъӕнынады сӕргълӕууӕджы хӕстӕ ӕххӕстгӕнӕджы. Фӕстӕдӕр зӕрдӕхсайгӕ нӕлгоймаджы ӕрурӕдтой.

"Цхинвалы прокуратурӕ бакодта уголовон хъуыддаг горӕты 34-аздзыд цӕрӕджы ныхмӕ тыхӕй спайда кӕныны тыххӕй, кӕцы нӕу тӕссаг цард ӕмӕ ӕнӕниздзинадӕн, Республикӕ Хуссар Ирыстоны ӕнӕниздзинад хъахъхъӕнынад ӕмӕ социалон райрӕзты министры х.ӕ. Тотчиты Георгийы фӕдыл", - дзырдӕуы прокуратурӕйы хъусинаджы.

Ныртӕккӕ уагъд цӕуынц фӕдагуырды мадзӕлттӕ, цӕмӕй сбӕрӕг кӕной цауы ӕууӕлтӕ.

5
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4