Беркъайы цыдысты лӕппу-лӕгтӕ: Хъазиты Мелитон рагон ӕгъдауы тыххӕй

Беркъайы цыдысты лӕппу-лӕгтӕ: Хъазиты Мелитон рагон ӕгъдауы тыххӕй

4
(ранӕуӕггонд 17:39 30.04.2021)
Хуссар Ирыстоны ӕрвылаз Куадзӕны размӕ ӕхсӕв адӕмон ӕгъдаумӕ гӕсгӕ сывӕллӕттӕ цӕуынц бӕркъайы. Традици ӕрфидар канд хъӕуты нӕ, фӕлӕ горӕты дӕр

ЦХИНВАЛ, 1 май - Sputnik, Плиты Фатимӕ. Хуссар Ирыстоны сабаты изӕр рагон рог ӕгъдаумӕ гӕсгӕ нысан кӕнынц Беркъа, сывӕллӕттӕ кафгӕ ӕмӕ заргӕ зилынц хӕдзар-хӕдзар, фысымтӕ сӕ суазӕг кӕнынц  рӕвдауӕттӕй. Фысджыты цӕдисы ӕмсӕрдар Хъазты Мелитоны ныхӕстӕм гӕсгӕ, йӕ чысылы бонты рӕстӕгӕй ацы ӕгъдау цӕхгӕр фӕивта.

"Ӕз мӕ сабибонтӕй куыд хъуыды кӕнын, афтӕ нал у. Абон кӕцыдӕртӕ сӕ зӕнӕгимӕ дӕр разилынц. Раздӕр нӕдӕр чызджыты зылдысты, нӕдӕр чысыл ӕнахъом сабитӕ. Цыдысты-иу лӕппутӕ, ӕмӕ ӕгӕр стӕмӕй лӕппу-лӕгтӕ дӕр, бынтон зӕронд ма уыдаид, уый йеддӕмӕ", - дзуры уый.

Хъазиты Мелитоны ма дзуры, Беркъайы къордмӕ ӕнӕмӕнг хъуамӕ уыдаид музыкалон инструмент.

"Ӕгас хъӕуы-иу уыд ӕрмӕст иу къорд. Ӕнӕмӕнг сӕм хъуамӕ уыдаид музыкалон инструмент - фӕндыр, уадындз, гуымсӕг", - бафтыдта уый.

Беркъайы рӕстӕджы ма дыууӕ хъӕуы къорды хсӕн гӕнӕн уыдис ӕмӕ бацайдагъ уыдаид тох.

"Дыууӕ къорды кӕрӕдзийыл фембӕлгӕйӕ-иу стох кодтой. Фӕлвӕрдтой-иу байсын цы ӕрӕмбырд кодтой, уый. Уымӕ гӕсгӕ беркъайы чи цыд, уыдонӕй цалдӕр уыдысты тыхӕй ӕххӕст", - балхынцъ кодта фыссӕг.

Хуссар Ирыстоны ӕрвылаз Куадзӕны размӕ ӕхсӕв адӕмон ӕгъдаумӕ гӕсгӕ сывӕллӕттӕ цӕуынц бӕркъайы. Традици ӕрфидар канд хъӕуты нӕ, фӕлӕ горӕты дӕр.

4
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

2
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
2
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2