Ленингор

Гуырдзыимӕ арӕны сӕрты хизын нырма тобӕгонд у, фӕлӕ дзы ис уӕлбартӕ - РХИ ПӔК

6
(ранӕуӕггонд 13:02 11.05.2021)
Арӕны дыууӕ фарсӕрдыгӕй дӕр уавӕр фендыгъд ис 2019 азы августы кӕрӕттӕй фӕстӕмӕ - уӕд гуырдзиаг полици рйдыдта аразын йӕ блокпост Знауыры районы Уисты хъӕумӕ хӕстӕг арӕнгӕрон хаххыл

ЦХИНВАЛ, 11 май - Sputnik. Хуссар Ирыстоны къухдариуӕгад фӕлӕмӕгъдӕр кодта Гуырдзыстонимӕ арӕны сӕртыл хизыны тобӕтӕ республикӕйы цӕрджыты интерестӕ хынцгӕйӕ, хъусын кӕны Паддзахадон ӕдасдзинады комитеты (ПӔК) пресс-службӕ.

"Хуссар Ирыстоны цӕрджытӕй ӕнӕмӕнгхъӕуӕг кӕмӕн у Гуырдзыстоны территоримӕ ацӕуын, науӕд та фӕстӕмӕ ӕрбаздӕхын, уыдонӕй алкӕцыйы куырдиатмӕ дӕр ӕркаст цӕуы индивидуалон ӕгъдауӕй ӕмӕ фылдӕр хатт, кӕд ӕмӕ цӕгӕй дӕр адӕймаджы ӕнӕмӕнг хъӕуы ацӕуын, рахӕссынц ӕвӕрццаг скъуыддзаг", - дзырдӕуы уагдоны хъусинаджы.

ПӔК ма бахахх кодтой, зӕгъгӕ, "тоталон тобӕты ӕмӕ адӕмы хъысмӕтмӕ куыдфӕндыйы ахасты тыххӕй информацийӕн ницы бындур ис ӕппындӕр ӕмӕ уый у ӕрмӕстдӕр тбилисаг режимы пропагандӕйы иу хай".

Арӕны дыууӕ фарсӕрдыгӕй дӕр уавӕр фендыгъд ис 2019 азы августы кӕрӕттӕй фӕстӕмӕ - уӕд гуырдзиаг полици рйдыдта аразын йӕ блокпост Знауыры районы Уисты хъӕумӕ хӕстӕг арӕнгӕрон хаххыл.

6
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3