Вакцинаци Хуссар Иры

Цхинвалы сӕйраг терапевт радзырдта коронавирусӕй прививкӕтӕ саразджыты уавӕры тыххӕй

10
(ранӕуӕггонд 14:04 11.05.2021)
Вакцинаци Хуссар Иры райдыдта майы райдайӕны - уымӕй цалдӕр боны размӕ республикӕмӕ ӕрластой "Sputnik V"-йы фыццаг парти. Прививкӕтӕ аразынц нырма медиктӕ ӕмӕ иммунитет ныллӕгкӕнӕн низтимӕ чи тох кӕны, уыцы адӕмӕн

ЦХИНВАЛ, 11 май – Sputnik, Козаты Диана. Хуссар Ирыстоны коронавирусы ныхмӕ вакцинӕ "Sputnik V" чи сарӕзта, уыдон иууылдӕр сӕхи хатынц, ницы ӕвӕрццаг фӕстиуджытӕ банкъардтой се 'нӕниздзинадыл, фехъусын кодта Sputnik ӕнӕниздзинад хъахъхъӕнынады министрады сӕйраг терапевт Санахъоты Тамара.

Коронавирусы ныхмӕ уӕрӕсейаг вакцинӕ "Sputnik V"-йы фыццаг парти республикӕмӕ ӕрластой 30 апреля. Препаратимӕ цыппар контейнеры фӕхӕццӕ кодтой республикон бирӕпрофилон медцентрмӕ. Фыццаг прививкӕтӕ сарӕзтӕуыд 3 майы.

"Прививкӕтӕ арӕзтам ӕрмӕстдӕр иу бон - 3 майы. Вакцинаци рацыдысты фондз адӕймаджы - медицинон кусджытӕ ӕмӕ низджын адӕм", - радзырдта Санахъоты Тамара.

Йӕ ныхӕстӕм гӕсгӕ, вакцинаци рацæуæг адæм иууылдæр сты дохтырты хъусдарды бын. Терапевт ма банысан кодта, прививкæтæ аразын кæй æрурæдтой улæфт бонты тыххæй æмæ та йæ сног кодтой дыццæджы.

"Фыццаг рады прививкæтæ араздзыстæм медицинон кусджытæн æмæ низджын адæмæн, уый фæсæ та ахуырады къабазы кусджытæн", - радзырдта сæйраг терапевт.

Уый зæрдыл æрлæууын кодта, вкцинæйæн кæй ис каримæ баст арæнæвæрдтæ - уый нæй гæнæн аразын, 18 азы кæуыл нæма сæххæст ис, ахæм сывæллæттæ æмæ фæсивæдæн.

 

10
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3