Хуссар Иры Дзауы районы байуардзысты 36 фатеры

Хуссар Иры Дзауы районы байуардзысты 36 ног фатеры

41
(ранӕуӕггонд 15:12 12.05.2021)
Радты ныридӕгӕн лӕууынц 300 бинонтӕй фылдӕр, уыдон цардуагон уавӕртӕ ӕмӕ исад бӕрӕг кӕндзӕн сӕрмагонд къамис 15 маййӕ фӕстӕмӕ

ЦХИНВАЛ, 12 май - Sputnik, Плиты Фатимӕ. Хуссар Ирыстоны Дзауы районы байуардзысты 36 ног фатеры, фехъусын кодта Sputnik районы пресс-службӕйы кусӕг Тедеты Лиана.

Сӕрмагонд къамис 15 майы ӕруромдзӕн куырдиӕттӕ исыны куыст ӕмӕ ахуыр райдайдзысты радты лӕуджыты уавӕртӕ ӕмӕ исад.

"Ӕртӕ боны дӕргъы ма ист цӕудзысты куырдиӕттӕ  ӕмӕ 15 маййӕ къамис райдайдзӕн йӕ куыст. Ныридӕгӕн фатертӕм радты лӕууынц 300 бинонтӕй фылдӕр", - загъта уый.

Дзауы центры скъола-интернаты цур цы дыууӕ бирӕуӕладзыгон хӕдзары арызанц, уыдон уӕрст цӕудзысты радты лӕуджытыл.

"Дыууӕ корпусы цӕуы мидӕггагон куыстытӕ. Уый фӕстӕ ӕрӕвналдзысты хӕрзарӕзтадмӕ. Ацы азы кӕронмӕ хъуамӕ ӕнӕмӕнг сцӕттӕ уа", - бафтыдта Тедеты Лиана.

Къамисы сконды ис Паддзахадон ӕдасдзинады комитет, прокуратурӕ, районы администраци ӕмӕ хъӕууон администрациты минӕвӕрттӕ.

41
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3