Хуссар Иры райдыдта уалдзыгон ӕрсидт ӕфсадмӕ

Хуссар Иры райдыдта уалдзыгон ӕрсидт ӕфсадмӕ

9
(ранӕуӕггонд 13:13 13.05.2021)
Хуссар Ирыстоны ӕфсадмӕ сидынц 18-27 азы кары ӕмбӕстӕгтӕм. Национ Гарзджын тыхты службӕйы ӕмгъуыд у иу аз

ЦХИНВАЛ, 13 май - Sputnik, Козаты Диана. Хуссар Ирыстоны Хъахъхъӕнынады министрад фехъусын кодта ӕфсадмӕ уалдзыгон ӕрсидты кампанийы райдайыны тыххӕй, радзырдтой Sputnik уагдоны пресс-службӕйы.

Уалдзыгон ӕрсидт райдайдзӕн 17 майы 18-27 азы кары ӕмбӕстӕгтӕм.

"Ӕвзонг адӕм рацӕудзысты медицинон басгӕрст Хъахъхъӕнынады министрады ӕфсӕддон горӕты гарнизонон медицинон пункты базӕйыл. Уый фӕстӕ сӕ арвитдзысты ахуырадон центрмӕ ӕфсӕддон полигонмӕ, цӕмӕй ацӕуой райдайӕн ӕфсӕддон цӕттӕкӕнынад", - радзырдтой пресс-службӕйы.

Райдайӕн ӕфсӕддон цӕттӕкӕнынады фӕстӕ ӕрсидтонтӕ райсдзысты ардбахӕрд ӕмӕ сӕ арвитдзысты ахуырадон ротӕмӕ сӕ дарддӕры службӕмӕ.

"Ӕфсӕддонтӕ, кӕцытӕн фӕцис сӕ службӕйы ӕмгъуыд, арвитдзысты фӕстауӕрцмӕ националон Гарзджын тыхты рӕнхъытӕй", - банысан кодтой Хъахъхъӕнынады министрады пресс-службӕйы.

9
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3