Ӕлборты Ревмира

Sputnik "Спутник"-ӕй нӕ тӕрсы: агентады фыццаг кусӕг сарӕзта прививкӕ коронавирусӕй

9
(ранӕуӕггонд 14:01 13.05.2021)
Sputnik Хуссар Ирыстоны информацион агентады фыццаг кусӕг Ӕлборты Ревмира сарӕзта прививкӕ уӕрӕсейаг препарат "Спутник V"-ӕй. Уый радзырдта, цӕмӕн сарӕзта прививкӕ ӕмӕ куыд ацыд вакцинаци

ЦХИНВАЛ, 13 мая – Sputnik, Хъуылымбегты Зӕлинӕ. Хуссар Ирыстоны дарддӕр уагъд цӕуы вакцинаци коронавирусы ныхмӕ. Тӕссаг низӕй хи сӕдас кӕнын аскъуыддзаг кодта информацион агентад ӕмӕ радио Sputnik Хуссар Ирыстоны кусӕг Ӕлборты Ревмира.

Коронавирусы ныхмӕ уӕрӕсейаг вакцинӕ "Спутник V"-йы фыццаг парти (дыууӕ мин дозӕйы) ӕрластой Хуссар Ирыстонмӕ 30 апрелы. Ӕмбӕстӕгтӕ вакцинаци райдыдтой цӕуын майы радайӕны.

Хуссар Ирыстоны коронавирусы пандемийы тӕмӕны Ревмира уыд бархионты нымӕцы, кӕцытӕ ӕххуыс кодтой медиктӕн "сырх зонӕйы" ӕмӕ йӕхи цӕстӕй уыдта, цахӕм уӕззау фӕстиуджытӕ вӕййы низӕн.

"Сырх зонӕйы" кусгӕйӕ ӕз уыдтон, куыд уӕззауӕй ахастой пациенттӕ ацы низ, ӕмӕ кӕй зӕгъын ӕй хъӕуы, нӕ мӕ фӕндыд бавзарын ацы низы фӕстиуджытӕ. Бирӕтӕ нӕ аразынц прививкӕ йӕ фӕрссаг эффекттӕй кӕй тӕрсынц, уый тыххӕй, фӕлӕ уыдон нӕ хъуыды кӕнынц ӕмӕ куы фӕрынчын уой, уӕд низ гӕнӕн ис уӕззауӕй ахӕссой", - банысан кодта уый.

Ӕлборты Ревмирайы ныхӕстӕм гӕсгӕ, прививкӕйӕ бон раздӕр уымӕй систой туг коронавирусмӕ антителаты фӕдыл.

"Мӕнмӕ фӕдзырдтой ӕмӕ загътой, кӕй хъӕуы ӕрбацӕуын вакцинацимӕ, уымӕн ӕмӕ мӕ туджы нӕ разынд антителатӕ. Ӕз уайтагъд ацыдтӕн РБМЦ-мӕ, цы ран зӕрдӕхӕлар медиктӕ сарӕзтой вакцинӕ", - радзырдта Ревмира.

Уый ма бафтыдта, прививкӕйы фӕстӕ медиктӕ сӕ хъус дардтой пациенттӕм ӕрдӕг сахаты бӕрц, уый фӕстӕ сӕ ауагътой хӕдзармӕ, фӕлӕ сӕ бафӕдзӕхстой, цӕмӕй хъусын кӕной сӕ уавӕры ивындзинӕдты тыххӕй.

Ревмира Алборова
© Sputnik / Олег Репухов
Ӕлборты Ревмира
9
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

5
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
5