Хуссар Ир ӕмӕ Гуырдзыстоны арӕныл ӕрурӕдтой тамакоты егъау партийы контрабандӕ

Хуссар Ир ӕмӕ Гуырдзыстоны арӕныл ӕрцахстой тамакоты егъау партийы контрабандӕ

7
(ранӕуӕггонд 11:25 14.05.2021)
Тамакойы ӕнӕзаконон трафикмӕ сӕ хъус дарынц гуырдзиаг сӕрмагонд службӕтӕ. Комитеты куыд бахахх кодтой, афтӕмӕй уыдоны фӕнды, цӕмӕй республикӕйы цӕрджытӕ ӕнӕзаконон архайд кӕной ӕмӕ фехалой паддзахадон арӕны режим, уый та ахъаз уыдзӕн коронавирусы ног штаммты апарахатӕн

ЦХИНВАЛ, 14 май - Sputnik. Арӕнхъахъхъӕнджытӕ ӕрурӕдтой 200 мин сомы аргъ "Manchester" тамакоты партийы ӕнӕзаконон ӕрбаласт Хуссар Ирыстонӕй Гуырдзыстонмӕ, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Фӕткхалд ӕрцыд апрелы кӕрӕтты Цхинвалы районы Хелчуайы хъӕуы цур, банысан кодтой уагдоны.

"Паддзахадон арӕны режим фехалыны фӕдыл фыдгӕнӕджы ӕрбаздахтой административон бӕрндзинадмӕ, афтӕ ма сконфискаци кодтой контрабандон базайраг дӕр", - бахахх кодтой ПӔК-ы.
Изъятые на границе с Грузией контрабандные сигареты
© Photo : Пресс-служба КГБ РЮО
Хуссар Ир ӕмӕ Гуырдзыстоны арӕныл ӕрурӕдтой тамакоты егъау партийы контрабандӕ

ПӔК бӕрӕггӕнӕнтӕм гӕсгӕ, Тамакойы ӕнӕзаконон трафикмӕ сӕ хъус дарынц гуырдзиаг сӕрмагонд службӕтӕ. Комитеты куыд бахахх кодтой, афтӕмӕй уыдоны фӕнды, цӕмӕй республикӕйы цӕрджытӕ ӕнӕзаконон архайд кӕной ӕмӕ фехалой паддзахадон арӕны режим, уый та ахъаз уыдзӕн коронавирусы ног штаммты апарахатӕн.

Уагдоны зӕрдыл ӕрбалӕууын кодтой, Хуссар Ирыстоны законты фехалыны фӕдыл, кӕцытӕ баст сты нозт ӕмӕ тамакойы контрабандӕимӕ, ӕрбаздахдзысты ӕрмӕст административон бӕрндзинадмӕ нӕ, фӕлӕ ма уголовонмӕ дӕр.

7
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3