стоматолог

Стоматологтӕ ӕрӕх сабиты кӕй нӕ райсынц, ууыл ӕруынаффӕ кодтой Хуссар Иры депутаттӕ

4
(ранӕуӕггонд 13:06 14.05.2021)
Хуссар Ирыстоны ӕнӕниздзинады кабазы стоматологион хайады цы вазыгджын уавӕр сӕвзӕрд, уый рахастой социалон политикӕ ӕмӕ ӕнӕниздзинады фӕдыл парламентон комитеты уынаффӕмӕ

ЦХИНВАД, 14 май - Sputnik. Хуссар Ирыстоны сывӕллӕттӕн стоматологион ӕххуысы проблемӕтыл ӕрдзырдтой социалон политикӕ ӕмӕ ӕнӕниздзинады фӕдыл парламентон комитеты рабадты цыппӕрӕмы. 

Комитеты сӕргълӕууӕг, закондӕттӕг органы вице-спикер Плиты Александр радзырдта, стоматологион службӕйы кӕй нӕй специалисттӕ, кӕцытӕ кусиккой ӕрмӕстдӕр сабитимӕ.

"Уыд ахӕм цау, ӕмӕ ӕрбакой сывӕллоны, кӕцыйӕн тынг рыст йӕ дӕндаг. Хайады гӕс ӕй арвыста дохтырмӕ, фӕлӕ йӕ уый нӕ райста, зӕгъгӕ, нӕй мӕм сӕрмагонд сертификат, кӕцы бар дӕтты сабитимӕ кусынӕн. Стоматологион поликлиникӕйы гӕс дохтырӕн рахаста ӕфхӕрд. Дохтыр бахъаст кодта тӕрхондонмӕ ӕмӕ рамбылдта процесс", - дзырдӕуы парламенты пресс-службӕйы хъусинаджы.

Стоматологион поликлиникӕйы сӕйраг дохтыр Плиты Виталий куыд банысан кодта, афтӕмӕй уыцы хабары фӕстӕ дохтыртӕ-стоматологтӕ нал фӕисынц сывӕллӕтты.

Парламентон комитеты сӕргълӕууӕджы ныхӕстӕм гӕсгӕ, сабитимӕ кусыны тыххӕй сертификаттӕ нӕй окулисттӕ, ЛОР-дохтыртӕ ӕмӕ ӕндӕр специалисттӕн дӕр, ӕмӕ уӕд уыдонӕн дӕр у сӕ бон ма исын сывӕллӕтты ӕмӕ сын ма ӕххуыс кӕнын.

Республикӕйы ӕнӕниздзинад хъахъхъӕнынады министры хӕдивӕг Наниты Сослан бамбарын кодта, зӕгъгӕ, законмӕ гӕсгӕ ацы хабары тыххӕй ис бахъастгӕнӕн тӕрхондонмӕ, уымӕн ӕмӕ дӕндаджы карз рыст хауы ӕвӕстиат ӕххуыс чи домы, ахӕм низтӕм.

"Законы ацы пунктмӕ хауынц адӕм иууылдӕр, уыдонимӕ сабитӕ дӕр, кармӕ ӕнӕкӕсгӕйӕ", - загъта Наниты Сослан.

Уый ма бафтыдта, проблемӕйыл кӕй бакусдзысты ӕмӕ кӕй агурдзысты сабитимӕ кусыны сертификаттӕ кӕмӕ ис, ахӕм стоматологты.

Плиты Александр ма боны фӕткмӕ рахаста, республикӕйы ортодонтия кӕй нӕй, уыцы фарст дӕр. Уый банысан кодта, кӕй ис специалисттӕ, ис сын сертификаттӕ дӕр, фӕлӕ сын нӕй кабинет, уымӕ гӕсгӕ сабиты бахъӕуы арвитын Цӕгат Ирмӕ.

Стоматологион поликлиникӕйы сӕйраг дохтыр куыд радзырдта, афтӕмӕй цӕмӕ сифтонг кӕной кабинеттӕ ӕмӕ бакӕной уӕлӕмхас штаттӕ, уый тыххӕй сӕ бахъӕудзӕн дыууӕ милуан сомӕй фылдӕр. Афтӕ ма уый бахатыд депутаттӕм, цӕмӕй сын баххуыс кӕной ӕрвылмӕй дӕр уӕлӕмхасӕй 100 мин сомы хицӕн кӕнынӕн стоматологион ӕрмӕг амал кӕнынӕн.

 

 

4
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3