Бибылты Анатолий

Хуссар Иры президенты ныстуан адӕм ӕмӕ парламентмӕ аргъӕвтой иу къуыримӕ

6
(ранӕуӕггонд 13:28 14.05.2021)
Уый размӕ нывӕндысты, Бибылты Анатолийы ныстуан адӕм ӕмӕ парламентмӕ кӕй ацӕудзӕн къуырисӕры, 17 майы

ЦХИНВАЛ, 14 май - Sputnik. Хуссар Ирыстоны президент Бибылты Анатолийы ныстуан республикӕйы адӕм ӕмӕ парламентмӕ ацӕудзӕн иу къуыри фӕстӕдӕр, фехъусын кодта майрӕмбоны паддзахады сӕргълӕууӕджы пресс-секретарь Гасситы Дина.

"Ныстуан ацӕудзӕн Парламенты рабадтыты залы 24 майы. Бибылты Анатолий сбӕрӕг кӕндзӕн Республикӕ Хуссар Ирыстоны ӕддагон ӕмӕ мидӕггагон политикӕйы здӕхтытӕ, ӕрӕвӕрдзӕн хӕслӕвӕрдтӕ социалон-экономикон райрӕзты фӕдыл фидӕн азмӕ", - банысан кодта пресс-секретарь.

Уый размӕ нывӕндысты, Бибылты Анатолийы ныстуан адӕм ӕмӕ парламентмӕ кӕй ацӕудзӕн къуырисӕры, 17 майы.

Ивгъуыд хатт президент арвыста ныстуан адӕм ӕмӕ парламентмӕ 2020 азы марты. Уый уыд паддзахады сӕргълӕууӕджы фыццаг ныстуан, кӕцыйы уый сбӕрӕг кодта ӕддагон ӕмӕ мидӕггагон политикӕйы сӕйраг здӕхтытӕ, афтӕ ма радта фӕдзӕхсттӕ уагдӕтты разамонджытӕн.

Бибилов поручает
© Sputnik
Бибилов поручает
6
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3