Пресс-конференци

Культурӕйы ӕнӕбайсгӕ хай: Sputnik пресс-центры ӕрныхас кодтой ирон ӕвзаджы райрӕзтыл

17
Ирон ӕвзаджы боны размӕ агентады пресс-центры ацыд видео-конференци Мӕскуыимӕ, кӕцыйы хайадисджытӕ ӕрдзырдтой ирон ӕвзаджы уавӕрыл

ЦХИНВАЛ, 14 мая – Sputnik, Козаты Диана. Ирон ӕвзаджы райрӕзтыл ӕппӕт ӕхсӕнад куы нӕ куса, уӕд ӕй фесафдзыстӕм. Ахӕм хъуыдымӕ ӕрцыдысты Цхинвал-Мӕскуы видео-конференцийы рӕстӕджы, цы ран дзырдтой ирон ӕвзаджы проблемӕтӕ ӕмӕ райрӕзтыл. Sputnik пресс-центры мадзал уыд нывонд Ирон ӕвзаджы боны цытӕн, кӕцы нысан кӕнынц 15 майы.

ХИПУ ирон ӕвзаг ӕмӕ литературӕйы кафедрӕйы доцент, ахуыргонд Дзццойты Юрий зӕрдыл ӕрбалӕууын кодта, ивгъуыд ӕнусы 90-ӕм ӕзты онг ирон ӕвзагӕн нӕ уыд паддзахадон статус.

"Нӕ интеллигенци уӕд дӕр ӕрӕвӕрдта фарст, ӕмӕ махӕн бантыст йӕ сӕххӕст кӕнын. Ныр ирон ӕвзаг у фыццаг паддзахадон ӕвзаг. Махмӕ ис закон паддзахадон ӕвзӕгты фӕдыл, кӕй зӕгъын ӕй хъӕуы, ис нӕм программӕтӕ ӕвзаджы райрӕзты фӕдыл дӕр. Гӕххӕттыл ирон ӕвзаг у паддзахадон, ис ын ӕмхуызон бартӕ уырыссагимӕ, фӕлӕ, хъыгагӕн, йӕ функцитӕ уый нӕмӕ не ‘ххӕст кӕны", - загъта ахуыргонд.

Дыууӕ оригиналы принцип

Диццойты Юрий банысан кодта, йӕ хъуыдымӕ гӕсгӕ паддзахадон ӕвзаг - у ӕвзаг, кӕцыйыл аразынц сӕ хъуыддӕгтӕ паддзахадон органтӕ. Уый гӕнӕн ис саразын, куы сӕххӕст кӕной "дыууӕ оригиналы принцип" – Дзиццойты Юрий ацы хъуыды фехъусын кодта раздӕр дӕр.

Юрий Дзиццойты
© Sputnik / Natalia Airiyan
Диццойты Юрий

Ацы принципмӕ гӕсгӕ хицауады органты хъӕуы саразын тӕлмацгӕнджыты штаттӕ, кӕцытӕ цӕттӕ кодтаиккой документтӕ дыууӕ ӕвзагыл, кӕцытӕн уыдаид ӕмхуызон тых.

"Президент ӕмӕ ӕндӕр бӕрнон кусджытӕ бафыстаиккой-иу дыууӕ оригиналы дыууӕ ӕвзагыл. Уый ахъаз уыдаид ирон ӕвзаджы престижы рӕзынӕн", - загъта доцент.

Дзиццойты Юрий радзырдта, кӕй куыста бынӕттон архивты, цы ран йыл сӕмбӕлдысты ӕрмӕджытӕ, кӕцытӕ уыдысты баст Хуссар Ирыстоны культурон арӕзтады фарстытӕн. Йӕ ныхӕстӕм гӕсгӕ, протоколтӕ ӕмӕ рабадтытӕ уагъд цыдысты ирон ӕвзагыл.

Уый ма бафтыдта, зӕгъгӕ, ныр ирон ӕвзагӕн ис ахсджиаг уӕлидзинад – уымӕн ис паддзахадон статус, ӕмӕ йӕ фадӕттӕ сты уӕрӕхдӕр.

Афтӕ ма, Дзиццойты Юрий ранымадта бирӕ ахуыргондты, кӕцытӕ бӕрзонд ӕмвӕзадыл ахуыр кӕнынц ирон ӕвзаг.

Чи ирвӕзын кӕндзӕн ирон ӕвзаг

Дзиццойты Юрийы уырны, ӕвзаг фервӕзын кӕнын кӕй ис дыууӕ президенты къухты – Цӕгат ӕмӕ Хуссар Ирыстоны.

"Мӕ хъуыды у афтӕ: ирон ӕвзаг фервӕзын кӕныныл куы нӕ архайа ӕппӕт ӕхсӕнад, президентӕй радайгӕйӕ, уӕд мах фесафдзыстӕм не ‘взаг", - бахахх кодта ахуыргонд.

Уый ма йӕ хъуыды загъта терминологон къамисы тыххӕй дӕр ӕмӕ зӕрдыл ӕрбалӕууын кодта, республикӕйы кӕй куыстой цалдӕр фадыгон къамисы алыгъуызон здӕхтыты.

Уыимӕ иумӕ Дзиццойты Юрийы уырны, ирон ӕвзаджы кӕй ис фаг терминтӕ, цӕмӕй уадзой дискусситӕ политикон, историон ӕмӕ ӕндӕр тематикӕтыл.

"Юридикон ӕмӕ медицинон тематикӕйӕ дарддӕр, цы ран ис бирӕ лыстӕгдзинӕдтӕ, кӕцытыл баст у адӕймаджы хъысмӕт. Уым нӕй гӕнӕн рӕдийын, ӕмӕ ацы здӕхты хъуамӕ архайой ӕрмӕст ирон ӕвзаджы ахуыргондтӕ нӕ, фӕлӕ ацы фадыджы специалисттӕ дӕр", - бахахх кодта Дзиццойты Юрий.

Чиновниктӕ дӕр нӕ дзурынц мадӕлон ӕвзагыл

Историон зонӕдты кандидат, этнограф ӕмӕ журналист Хъуылымбегты Роберт разы у уыимӕ, ӕмӕ документтӕ аразыны хъӕуы пайда кӕнын ирон ӕвзагӕй.

"Уый у рагон проблемӕ. 1924 азы нӕ газет "Хурзӕрин" фыста, нӕ разамонджытӕн сӕ бон кӕй нӕу ӕмӕ бирӕты та нӕ фӕнды дзурын иронау. Абоны бон дӕр ахӕм практикӕ ис. Ӕрӕджы мах бакастыстӕм бынӕттон телеуынынады къуырион афӕлгӕстмӕ, ӕмӕ дзы иу чиновник дӕр нӕ радзырдта мадӕлон ӕвзагыл", - банысан кодта уый.

Хъуылымбегты Роберт зӕрдыл ӕрбалӕууын кодта ирон ӕвзаджы райрӕзты фӕдыл паддзахадон программӕ дӕр, кӕцыйы тыххӕй рахицӕн кӕнынц "хорз ӕхцатӕ".

"Куыд эффективон хардз сӕ кӕнынц, уый нӕ зонын. Фӕлӕ афтӕ зӕгъӕн нӕй, ӕмӕ мах бахардз кӕндзыстӕм фондз милуан сомы, ӕмӕ сомбон иууылдӕр дзурдзысты мадӕлон ӕвзагыл. Хъӕуы ӕмбарын, бындур ӕвӕрд кӕй ӕрцӕуы саби бонтӕй. Мӕхӕдӕг цыппар азы онг нӕ дзырдтон ирон ӕвзагыл, уымӕн ӕмӕ Хуссар Ирыстоны нӕ райгуырдтӕн. Ардӕм куы ӕрцыдтӕн, уӕд иу азмӕ сахуыр кодтон мадӕлон ӕвзаг. Мӕ хъуыдымӕ гӕсгӕ, хъӕуы исты саразын ацы кары категорийӕн", - загъта журналист.

Роберт Кулумбегов
© Sputnik / Natalia Airiyan
Хъуылымбегты Роберт

Хуыцаумӕ мадӕлон ӕвзагыл хъӕуы кувын

Этнограф Хъуылымьегты Роберты ныхӕстӕм гӕсгӕ, монон фадыг цымыдис ӕвзӕрын кӕны ӕвзагмӕ дӕр.

"Цавӕр хъӕздыг ма уа уырыссаг ӕвзаг, уӕддӕр нӕ зӕдтӕ ӕмӕ дзуӕрттӕм хъуамӕ кувӕм ирон ӕвзагыл. Уырысаг ӕвзаг зонынӕй мах нӕхи сбуц кӕнӕм. Ирон ӕвзаг та нымайӕм къӕбицы ӕвзагыл. Фӕлӕ, ӕз нымайын, кувын хъӕцы ирон ӕвзагыл", - бафтыдта уый.

Хъӕу - ӕвзаджы гуырӕн

Ахуыргӕнӕг ӕмӕ фыссӕг Годжыцаты Нелли ма раргом кодта ӕвзаджы ноджы иу проблемӕ, кӕцы къуыхцы кӕны национ ӕвзаджы размӕцыд. Йӕ ныхӕстӕм гӕсгӕ, ӕхсӕнад иронау кӕй нал дзуры, уымӕн стыр нысаниуӕг ис.

"Хъӕу фӕстӕмӕ цӕуы, мах та зонӕм иууыл литературӕйы фадыджы курдиатджын ӕмӕ номдзыд адӕм цыдысты хъӕуӕй. Ӕз мӕхӕдӕг дӕр хъӕуӕй дӕн ӕмӕ йӕ ӕмбарын ирондзинады дунейы куы хъомыл кӕнай. Уӕлдӕр ахуырад кӕмӕ нӕ уыд, уыдон рӕсугъд дзырдтой иронау ӕмӕ ӕз архайдтон сӕ хорздзинад райсыныл, уый сын феххуыс ис царды", - радзырдта уый.

Фыссӕджы фидарӕй уырны, ирон ӕвзаджы райрӕзтӕн ӕнӕмӕнг у ирондзинады дуне.

Нелли Гогичева
© Sputnik / Natalia Airiyan
Годжыцаты Нелли
17
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3