Ахуырады министр радзырдта, кӕдӕм бацӕудзысты хуссарирыстойнаг рауагъдонтӕ 2021 азы

Ахуырады министр радзырдта, кӕдӕм бацӕудзысты хуссарирыстойнаг рауагъдонтӕ 2021 азы

4
(ранӕуӕггонд 12:21 17.05.2021)
Уӕрӕсейаг ахуырадон уагдӕттӕ ацы аз радтой Хуссар Ирыстонӕн 18 бюджетон бынаты Россотрудничествойы хаххыл

ЦХИНВАЛ, 17 мая – Sputnik, Козаты Диана. Бюджетон бынӕттӕ, кӕцытӕ уӕрӕсейаг ахуыргӕнӕндӕттӕ рахицӕн кодтой Хуссар Ирыстоны абитуриенттӕн, арӕзт ӕрцыдысты паддзахадон заказмӕ гӕсгӕ, загъта йӕ интервьюйы Sputnik-ӕн ахуырады министр Гасситы Натали.

Уӕрӕсейаг ахуырадон уагдӕттӕ 2021 азы рахицӕн кӕндзысты Хуссар Ирыстонӕн 18 бюджетон бынаты Россотрудничествойы хаххыл. Лимитты нымӕц нӕ ивы ныр цыппӕрӕм аз, фӕивынц ӕрмӕстдӕр кӕцыдӕр здӕхтытӕ.

"Ацы аз мах райстам 18 бюджетон бынаты Россотрудничествойы хаххыл. Уыдонӕй бакалавриаты программӕмӕ сбӕрӕг кодтой 10 бынаты, специалитеты – цыппар бынаты, ординатурӕйӕн – дыууӕ, ӕмӕ иу бынат та аспирантурӕйы программӕмӕ. Бынӕттӕ иууылдӕр арӕзт ӕрцыдысты паддзахадон заказмӕ гӕсгӕ", - банысан кодта Гасситы Натали.

Йӕ ныхӕстӕм гӕсгӕ, рахицӕнгонд здӕхтытӕ ӕнӕмӕнгхъӕугӕ сты республикӕйӕн. Сӕ нымӕцы: статистикӕ, математикӕ, картографи ӕмӕ геоинформатикӕ, горӕтты арӕзтад, информацион технологитӕ ӕмӕ системӕтӕ, электроэнергетикӕ, электротехникӕ, рауагъдады технологи ӕмӕ хъӕууон хӕдзарадон продукцийы рацарӕзт.

"18 бынатмӕ бадӕттой 24 куырдиаты. Ныр абитуриенттӕ ӕнхъӕлмӕ кӕсынц ахуырадон организациты разыдзинадмӕ райсыны фӕдыл", - бахахх кодта министр.

Гасситы Натали бафтыдта, абитуриенттӕ иууыл тынгдӕр фӕнды бацӕуын мӕскуыйаг ахуырадон уагдӕттӕм, ахуырадон здӕхтытӕй та иууыл популярондӕр сты горӕтты арӕзтад, информацион технологитӕ ӕмӕ системӕтӕ ӕмӕ медицинон дӕсниадтӕ.

Амӕйразмӕ республикӕйы Хахъхъӕнынады министрады фехъусын кодтой УФ Хъахъхъӕнынады министрады университеттӕм кӕй рахицӕн кодтой 16 квотӕйы. Уырдӕм куырдиӕттӕ ист цӕуыдзысты 23 майы онг.

4
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3