Уæрæсейы академион фæсивæдон театр

Уæрæсейы академион фæсивæдон театр æрцæудзæн Цхинвалмæ гастрольты

24
(ранӕуӕггонд 11:06 18.05.2021)
Сфæлдыстадон къорд 28 æмæ 29 майы фыццаг хатт ралæудзæн Хуссар Ирыстоны паддзахадон драмон театры сценæйыл

ЦХИНВАЛ, 18 май — Sputnik, Плиты Фатимæ. Уæрæсейы академион фæсивæдон театр æрцæудзæн Хуссар Ирмæ гастрольты. Цхинвалы труппæ бавдисдзæн дыууæ спектаклы - "Чехов-GALA" æмæ "Денискины рассказы". Уазæг театры гастрольтæ нысангонд сты мæйы кæронмæ,  фехъусын кодта Sputnik ПДТ –йы директор Уалыты Мæдинæ.

"Гастролты фæсарæйнаг хахх гом кæны Уæрæсейы академион фæсивæдон театр. 28 æмæ 29 майы уыдон фыццаг хатт ралæудзысты Хуссар Ирыстоны паддзахадон драмон театры сценæйыл. Труппæ равдисдзæн дыууæ спектаклы - "Чехов-GALA" æмæ "Денискины рассказы", - загъта директор.

Уæрæсейы академион фæсивæдон театр у ныридæгæн Уæрæсейы иунæг театр фæсивæдæн. Йæ репертуары ис уæрæсейаг æмæ фæсарæйнаг классикты уацмыстæ. Труппæ нымад цæуы Мæскуыйы хуыздæр къордыл. Разамынад йын дæтты РСФСР адæмон артист, Станиславскийы номыл премийы лауреат Алексей Бородин.

Спектакль "Чехов-GALA" у Чеховы иуактон пьесæты - "Предложение", "Свадьба", "Юбилей", "О вреде табака" - композици. "Чехов-GALA" у сæ сæйраг спектакль, архайы дзы театры труппæ æххæстæй. Æвдисдзысты йæ 28 майы.

Спектакль "Денискины рассказы" æвæрд æрцыд Виктор Драгунскийы уацмысмæ гæсгæ. Иттæг хорз у бинонты бакастæн.

Уæрæсейаг театры балц организацигонд цæуы гуырахстджын нывæзт "Большие гастроли"-йы фæлгæтты. Уæрæсейы культурæйы министрады гастролон нывæзт æххæстгæнгæйæ "Росконцерт" бацæттæ кодта фæсарæйнаг хаххыл 17 горæты равдысттæ. Гастролты архайы 11 театры - Украина, Азербайджан, Киргизия, Гуырдзытон æмæ æндæр бæстæты труппæтæ.

24
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3