Музейты ӕхсӕв

Хуссар Ирыстоны сӕдӕгай адӕймӕгтӕ хайад райстой акци "Музейты ӕхсӕв"-ы

5
(ранӕуӕггонд 11:32 18.05.2021)
Уӕлдай цымыдис аивадӕн табугӕнджытӕм иннӕ ӕзтау ӕвзӕрын кодта "Цыкурайы фӕрдыг", фӕлӕ ӕнӕхъусдардӕй нӕ баззадысты музейы иннӕ экспонаттӕ дӕр

ЦХИНВАЛ, 18 май – Sputnik, Тъехты Дзерассӕ. Хуссар Ирыстоны национ музей ӕрбаиу ӕппӕтдунейон акци "Музейты ӕхсӕв"-мӕ. Археологон ӕмӕ историон эскспонаттӕ, афтӕ ма фыдӕлты цардуагон ранӕуӕггонд мигӕнӕнтӕ ӕмӕ зоологийы къуым фенынмӕ дысон ӕхсӕв ӕрбацыдысты 200 адӕймагӕй фылдӕр.

Ночь музеев в Цхинвале
© Sputnik / Natalia Airiyan
"Музейты ӕхсӕв"

Уӕлдай цымыдис аивадӕн табугӕнджытӕм иннӕ ӕзтау ӕвзӕрын кодта "Цыкурайы фӕрдыг". Мадзал дӕр райдыдта фӕрдыгимӕ чыргъӕды цытджын ӕрбайгомӕй, кӕцы, рагон таурӕгътӕм гӕсгӕ, ӕххӕст кӕны иууыл сусӕг бӕллицтӕ дӕр.

Ночь музеев в Цхинвале
© Sputnik / Natalia Airiyan
"Музейты ӕхсӕв"

Мадзалы амонӕджы ныхӕстӕм гӕсгӕ,фӕрдыгмӕ бавналыны бар уыд ӕрмӕстдӕр нӕлгоймагӕн. Афтӕ ма уый бафиппайдта, фӕрдгуытӕй иутӕ кӕй хастой бинонтӕн амонд, аннӕтӕ та фыдбылыз ӕмӕ маст.

"Цалынмӕ-иу ӕй хӕдзармӕ бахастой, уӕдмӕ хъуамӕ сбӕрӕг кодтаиккой, фӕрдыг амондхӕссӕг кӕй у", - бахахх кодта амонӕг.

Афтӕ ма уый радзырдтаЦыкурайы фӕрдыджы равзӕрды таурӕгъ дӕр.

Сӕрмагонд фынгыл ӕвӕрд уыдысты гӕххӕтты сыфтӕ, кӕцытыл мадзалмӕ ӕрбацӕуджытӕ фыстой сӕ бӕллицтӕ ӕмӕ сӕ сыгътой фӕрдыджы цур судзгӕ цырагъмӕ.

Ночь музеев в Цхинвале
© Sputnik / Natalia Airiyan
"Музейты ӕхсӕв"

Культурон мадзал адарддӕр иу ӕрдӕгӕхсӕвмӕ. Уазджытӕн гом уыдысты музейы дыууӕ уӕладзыг дӕр, цы ран ис археологи, зоологи, Ирыстоны истори, ирӕтты геноцид ӕмӕ СФХ залтӕ.

"Æхсæв музейы" у æрвылазон акци, кæцы нывонд у Музейты æхсæнадæмон бонæн. Ацы бон нысан кæнынц æрвылаз дæр Европæйы 42 бæстæйы. 2016 азы Хуссар Ирыстон фыццаг хатт райста хайад ацы акцийы.

Ночь музеев в Цхинвале
© Sputnik / Natalia Airiyan
"Музейты ӕхсӕв"
5
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3