Хуссар Иры Генпрокуратурӕ

Хуссар Иры Генпрокуратурӕйы сӕргъ слӕууыд Багаты Магомед

6
Уагдоны раздӕры сӕргълӕууӕджы отставкӕйы фӕстӕ Багаты Магомед апрелӕй фӕстӕмӕ уыд Хуссар Ирыстоны генералон прокуроры хӕстӕ ӕххӕстгӕнӕг

ЦХИНВАЛ, 19 май – Sputnik, Козаты Диана. Хуссар Ирыстоны парламент хорзыл банымадта Багаты Магомеды кандидатурӕ республикӕйы генералон прокуроры бынатмӕ. Уый раивта ацы бынаты Дзӕгъиаты Уырызмӕджы, кӕцыйы куысты ӕмгъуыд фӕцис ацы аз апрелы.

Парламент 13 апрелы сфидар кодта президенты куырдиат Дзӕгъиаты Уырызмӕджы отставкӕйы фӕдыл, фӕлӕ не сразы Виталий Савченкойы кандидатурӕйыл уагдоны сӕргълӕууӕджы бынатмӕ. Президент Бибылты Анатолий 11 майы барвыста парламентмӕ дыккаг куырдиат генералон прокуроры кандидатурӕйы фӕдыл. Паддзахады сӕргълӕууӕг ацы бынатмӕ банхъардта Багаты Магомеды, кӕцы 2018 азӕй фӕстӕмӕ уыд уагдоны сӕргълӕууӕджы хӕдивӕг. Дзӕгъиаты Уырызмӕджы отставкӕйы фӕстӕ уый рӕстӕгмӕ ӕххӕст кодта генпрокуроры хӕстӕ.

Законад ӕмӕ бынӕттон хӕдразамынады парламентон комитеты сӕрдар Габатты Алан базонгӕ кодта йӕ коллегӕты кандидаты биографиимӕ. Депутаттӕ ӕмхъӕлӕсӕй сразы сты Багаты Магомеды кандидатурӕйыл.

Багаты Магомед загъта бузныг депутаттӕн ӕууӕнчы тыххӕй ӕмӕ баныфсӕвӕрдта, кӕй уыдзӕн "карз ӕмӕ раст генералон прокурор".

Цыбыр биографион справкӕ

Багаты Магомед райгуырд 1978 азы Дзауы районы. 2001 азы фӕцис Хуссар Ирыстоны экономикӕ ӕмӕ барады институты "Юриспруденция"-йы дӕсниад.

2003-2006 – стажер, Республикӕ Хуссар Ирыстоны Прокуратурӕйы фӕдагуырды хайады хистӕр фӕдагурӕг.

2006-2014 – коррупцион здӕхты фыдракӕндты фӕдагуырды фӕдыл хайады хистӕр.

2018-2018 – Хуссар Ирыстоны Генералон прокуратурӕйы законтӕ ӕмӕ барадон акттӕ ӕххӕст кӕнынмӕ хъусдарды фӕдыл хайады хистӕры хӕстӕ ӕххӕстгӕнӕг.

2018 – ныры рӕстӕг – Хуссар Ирыстоны Генпрокуроры хӕдивӕг.

6
Ленингор

Хуссар Иры Ленингоры районы ссардтой нӕлгоймаджы мӕрдон буар

2
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

2
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3