туаггуыры резервуар

Цхинвалы бирӕпрофилон медцентры монтаж кӕнынц туаггуыры станц

14
(ранӕуӕггонд 11:47 19.05.2021)
Станц иу суткæ дæтдзæн 90 баллоны æмæ аххæсдзæн æгас республикæйы районты медицинон уагдæттыл дæр

ЦХИНВАЛ, 19 май – Sputnik, Дриаты Лейла. Хуссар Ирыстоны сӕйраг сахары республикон бирæпрофилон медцентры монтажгонд цæуы туаггуыры æмбырдгæнæн резервуар. Уый Цхинвалмæ фæхæццæ цалдæр боны размæ - ацы зынаргъ лæвар Хуссар Ирыстонæн бакодтой не 'мзæххон амалиуæггæнджытæ Мæскуыйæ - Пухаты Олег, Дзуццаты Игорь æмæ Кокойты Хъазбег.

Лæппутæ зыдтой проблемæ æмæ Екатеринбурджы ссардтой, аст кубометры туаггуыр цы резервуары цæуы, ахæм ифтонггарз. Уый та у аст мин литр туаггуыр кæм цæуы, ахæм. Медцентры дохтыртæ куыд фехъусын кодтой, афтæмæй туаггуыры станц скусдзæн, куыддæр монтажгонд фæуа, афтæ. Ацы зынаргъ лæвар ныртæккæ цæуы монтажгонд æмæ куыддæр æвæрд æрцæуа, афтæ скусдзæнис.

"Туаггуыры цухдзинад кæд коронавирусы рæстæджы фæбæрæг, уæддæр уымæй мах фæпайда кæнæм æрвылбон дæр. Сæрмагонд балонты цы туаггуыр æрласы медицинон центр Цæгат Ирыстон-Алани æмæ Хъæрæсе-Черкессийæ, уый-иу фаг уыд цавæрдæр рæстæгмæ. Ныр дохтыртæ нал тыхсдзысты, æдзух сæм уыдзæн, туаггуыр, цас хъæуы, уый бæрц", - зæгъынц медицинон кусджытæ.

Ныртæккæ республикон медицинон бирæпрофилон центры цы станц монтаж цæуы, уый иу суткæ дæтдзæн 90 баллоны æмæ аххæсдзæн æгас республикæйы районты медицинон уагдæттыл дæр.

Коронавирусон инфекцион низ куы апарахат, уæд Хуссар Иры медицинон уагдæттæн сæвзæрд проблемæ. Куыд зонæм, афтæмæй туаггуыры станц Хуссар Ирыстоны уыд раздæр дæр. Фæлæ йæ куыст æрурæдта 2008 азы. Ацы проблемæ аскъуыддзаг кæныныл архайдтой æхсæнад дæр ӕмӕ Æнæниздзинад æмæ социалон рæзты министрад дæр, фæлæ-иу хъуыддаг бакъуылымпы æхцайы фæрæзты цухдзинады аххосæй.

14
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3