Дзауы районы кӕлӕддзаг бирӕуӕладзыгон хӕдзар

Дзауы районы кӕлӕддзаг бирӕуӕладзыгон хӕдзар бахӕсдзысты Инвестпрограммӕмӕ

4
(ранӕуӕггонд 11:56 20.05.2021)
Бирӕуӕладзыгон панелон хӕдзары цӕрджытӕ 2020 азы кӕрон рахъаст кодтой президент Бибылты анатолийӕн цӕрӕнуаты аварион уавӕры тыххӕй

ЦХИНВАЛ, 19 май – Sputnik, Козаты Диана. Дзауы поселочы бирӕуӕладзыгон хъӕдзар фӕнд кӕнынц бахӕссын радон Инвестицион нывӕзтмӕ, загъта парламенты сессийы рабадтыл ӕртыццӕджы президенты минӕвар закондӕттӕг органы Куымӕридтаты Анна.

Хуссар Иры Дзауы районы байуардзысты 36 фатеры
© Photo : Пресс-служба Дзауского района

Фондзуӕладзыгон панелон хӕдзары цӕрджытӕ бирӕ рӕстӕг хъаст кӕнынц йӕ аварион уавӕры тыххӕй. Ивгъуыд азы декабры президент бабӕрӕг кодта хӕдзары уавӕр, аныхас кодта цӕрджытимӕ. Уӕд уый баныфс ӕвӕрдта, хицауад кӕй фӕхондзӕн специалистты, кӕцытӕ саргъ кӕндзысты бирӕуӕладзыгон корпусы уавӕрӕн ӕмӕ бацӕттӕ кӕндзысты сӕ хатдзӕг.

Парламенты рабадтыл ӕртыццӕджы фарст рӕгъмӕ рахаста вице-спикер Чилӕхсаты Владимир.

"Хӕдзары ис 20 фатеры, фӕлӕ дзы цӕрынц ӕрмӕстдӕр дӕс адӕймаджы. Мӕнмӕ дӕр иу ӕмӕ дыууӕ хатт нӕ хатыдысты сӕ проблемӕйы тыххӕй. Районы сӕргъ лӕугӕйӕ, ӕз дӕр ӕвӕрдтон ацы фарст хицауады раз, фӕлӕ конкретон дзуапп иу адӕймагӕй дӕр нӕ райстон", - загъта вице-спикер.

Уый зӕрдыл ӕрлӕууыр кодта, амӕйразмӕ кӕй бахатыд президенты минӕвармӕ, цӕмӕй йын фехъусын кӕна ацы проблемӕйы тыххӕй.

Куымӕридтаты Аннайы ныхӕстӕм гӕсгӕ, сӕрмагонд организаци сарӕзта экспертизӕ хӕдзарӕн. Сӕ хатдзӕгӕй куыд бӕрӕг у, афтӕмӕй бирӕуӕладзыгон хӕдзар ӕмбӕлон эксплуатаци куы цӕуа, уӕд у ӕдас.

"Фӕлӕ уымӕ ӕнӕкӕсгӕйӕ, президент аскъуыддзаг кодта бахӕссын хӕдзар иннӕ азы Инвестпрограммӕмӕ бахӕссын. Ацы азы нывӕзтмӕ бахӕссыны фадат ын нал ис", - банысан кодта уый.

Уыимӕ президенты минӕвар дырысӕй нӕ фехъусын кодта, Инвестпрограммӕмӕ хӕдзары цалцӕг бахӕсдзысты ӕви йӕ бынаты ног бӕстыхайы арӕзтад.

4
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

5
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
5