Ленингоры районы ацыд Ӕхсӕв музейы акци

Ӕртӕ мин экспонаты ӕмӕ XVII ӕнусы бӕстыхай: Ленингоры районы ацыд "Музейты ӕхсӕв"

19
(ранӕуӕггонд 10:30 20.05.2021)
Уазджытӕн фадат уыд фенын рагон историон экспонаттӕ ӕмӕ номдзыд нывгӕнджыты куыстытӕ, радзырдтой районы администрацийы

ЦХИНВАЛ, 20 май — Sputnik, Плиты Фатимӕ. Хуссар Ирыстоны Ленингоры районы историон бӕстӕзонӕн музей бамбал ис ӕхсӕнадӕмон акци "Музейты ӕхсӕв"-мӕ, фехъусын кодта Sputnik районы пресс-службӕйы кусӕг Кокойты Анжела.

Акция Ночь музеев в поселке Ленингор
Пресс-служба Ленингорского района РЮО
Акция "Ночь музеев" в поселке Ленингор

Акци районы цӕуы ныр цыппӕрӕм аз.

"Дысон ӕхсӕв йӕ дуӕрттӕ бакодта Ленингоры районы историкон бӕстӕзонӕн музей. Музейы хӕзнадоны ис ӕртӕ мин экспонаты онг. XVII ӕнусы бӕстыхайы ӕддаг бакаст бахъахъхъӕд ӕрцыд. Уазджытӕн сарӕзтой экскурситӕ, фенын сын кодтой рагон артефакттӕ, ӕлыг марды чырынтӕ, хӕдзарон мигӕнӕнтӕ", - загъта уый.

Ныхасӕмбалы ныхӕстӕм гӕсгӕ, акцийы сӕйраг нысан у цымыдис сӕвзӕрын кӕнын историон экспонаттӕм.

"Мадзалы рӕстӕджы ма музейы фенӕн уыд номдзыд нывгӕнджыты куыстытӕ, сӕ нымӕцы Уӕрӕсейы адӕмон нывгӕнӕг Бедойты Шалвайы нывтӕ", - бафтыдта Кокойты Анжела.

Мадзал бацӕттӕ кодта Ленингоры районы культурӕйы хайад.

Дом-музей Эриставов
© Sputnik / Ада Багиан
Ленингоры районы ацыд "Ночь в музее"-йы акци

 

19
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

5
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
5