Хуссар Иры ацӕудзӕн III Республикон конкурс Сӕрмагонд стиль

Хуссар Иры ацӕудзӕн III Республикон конкурс "Сӕрмагонд стиль"

7
Конкурсы хайад райсынмӕ хонынц куыд ӕвзонг журналистты, афтӕ фӕсивӕды минӕвӕрттӕ дӕр

ЦХИНВАЛ, 21 май — Sputnik, Хъуылымбегты Зӕлинӕ. Конкурс "Сӕрмагонд стиль" хуыздӕр публикаци, фотоӕрмӕг ӕмӕ социалон видеороликыл райдыдта Хуссар Ирыстоны, фехъусын кодта Sputnik фӕсивӕдон политикӕ ӕмӕ спорты фӕдыл комитеты пресс-секретарь Софа Исаакян.

"Ацы аз махмӕ фӕзынд ног темӕтӕ, кӕцытӕ сты тынг цымыдисон. Цӕвиттонӕн, номинаци "Хуыздӕр публикаци"-йы ис цымыдисон темӕ "Хуссар Ирыстоны Сырх чиныг", цы ран равдисдзысты республикӕйы экологон проблемӕтӕ. Ӕндӕр актуалон темӕтӕ – "Горӕт Цхинвалы историон хуыз бавӕрын" ӕмӕ "Фӕсивӕды проблемӕ хъӕуты", - загъта пресс-секретарь.

Афтӕ ма, ивындзинӕдтӕ бахастой ӕндӕр номинацитӕм дӕр – "Хуыздӕр фотоӕрмӕг-фоторепортаж" ӕмӕ "Хуыздӕр социалон видеоролик". Софа Исаакян банысан кодта, ацы аз конкурсы кӕй ис дыууӕ кары категорийы: 14-17 азы ӕмӕ 18-35 азы.

Конкурсы хайад райсыны бар ис куыд ӕвзонг журналисттӕн, афтӕ фӕсивӕды минӕвӕрттӕн дӕр, горӕт ӕмӕ районты скъолаты ахуырдзаутӕн, студенттӕн.

"Жюрийы сконд нырма арӕзт цӕуы. Уыдон уыдзысты ДИФ-ты минӕвӕрттӕ, адӕм, кӕцытӕ ахаст дарынц журналистикӕ, къамисын ӕмӕ операторон дӕсниадмӕ", - загъта уый.

Конкурсы уӕлахиздзауты схорзӕхджын кӕндзысты фыццаг, дыккаг ӕмӕ ӕртыккаг къӕпхӕны дипломтӕй, лӕвӕрттӕй, грамотатӕй ӕмӕ призтӕй. "Сӕрмагонд стиль" конкурсы гран-при ратдзысты иууыл курдиатджын хайадисӕгӕн.

Конкурсы хайад райсыны фӕдыл куырдиӕттӕ ист цӕуынц 21 майӕ 1 июньмӕ фӕсивӕдон политикӕ ӕмӕ спорты фӕдыл комитеты.

7
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3