Цӕстдарджытӕ Хуссар Ирӕй ацӕудзысты президентон ӕвзӕрстытӕм Сиримӕ

Цӕстдарджытӕ Хуссар Ирӕй ацӕудзысты президентон ӕвзӕрстытӕм Сиримӕ

5
(ранӕуӕггонд 10:58 21.05.2021)
Сирийы президенты ӕвзӕрстытӕ ацӕудзысты 26 майы. Сириаг лидеры бынатмӕ ис ӕртӕ кандидаты, сӕ нымӕцы Сирийы ныры президент Башар Асад дӕр

ЦХИНВАЛ, 21 май - Sputnik. Хуссар Ирыстоны делегаци ацӕудзӕн Сириаг Арабаг Республикӕмӕ (САР) президентон ӕвзӕрстыты ӕхсӕнадӕмон мониторингы тыххӕй, фехъусын кодта парламенты спикер Тадтаты Алан.

"Ӕхсӕз адӕймаджы скондӕй делегаци цӕуы кусӕгон балцы Сириаг Арабаг Республикӕмӕ. Дыууӕ адӕймаджы парламентӕй, ӕртӕ – президенты администрацийӕ ӕмӕ иу та Фӕсарӕйнаг хъуыддӕгты министрадӕй. Балцы сӕйраг нысан у мониторинг кӕнын президентон ӕвзӕрстытӕ" – хъусын кӕны спикеры ныхӕстӕ закондӕттӕг органы пресс-службӕ.

Тадтаты Алан бафтыдта, балцы фӕлгӕтты ма кӕй нывӕндынц ауадзын дыууӕварсон фембӕлдтӕ, сӕ нымӕцы САР парламенты сӕрдаримӕ дӕр.

"Уыимӕ иумӕ ацӕудзӕн фембӕлд БААС партийы (Сирийы сӕйраг парти) къухдариуӕгадимӕ, афтӕ ма Сирийы алыгъуызон политикон архайджытимӕ. Уырны мӕ, нӕ балц кӕй уыдзӕн пайдаджын. Ныртӕккӕ скъуыддзаг цӕуы Хуссар Ирыстоны минӕварады баконды фарст Сирийы. Делегаци фӕстӕмӕ куы ӕрыздӕха, уӕд ратдзӕн ӕххӕст информаци Сириаг Арабаг Республикӕйы уӕвынады фӕдыл", - бахахх кодта парламенты сӕрдар.

Спикер ма зӕрдыл ӕрбалӕууын кодта, Хуссар Ирыстоны парти "Иугонд Ирыстон" ӕмӕ БААС хсӕн бадзырд ӕмгуыстады фӕдыл бафыстӕуыд 2019 азы, хуссарирыстойнаг делегацийы балцы рӕстӕджы Бибылты Анатолийы сӕргълӕудӕй.

Сирийы президентон ӕзӕрстытӕ ацӕудзысты 26 майы. Сириаг лидеры бынатмӕ ис ӕртӕ кандидаты, сӕ нымӕцы Сирийы ныры президент Башар Асад дӕр. Йӕ конкуренттӕ уыдзысты раздӕры паддзахадон министр Абдалла Саллюм Абдалла ӕмӕ Махмуд Ахмед Мураи, кӕцы у патриотикон оппозицийы минӕвар ӕмӕ 2018 азӕй фӕстӕмӕ лӕууы Сириаг демократион фронты сӕргъ.

Сирийы ивгъуыд президентон ӕвзӕрстытӕ ацыдысты 2014 азы, уӕд Асад райста ӕвзарджыты хъӕлӕсты 88%.

5
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3