Хуссар Ирмӕ ӕрцыд хицауадон делегаци Уӕрӕсейӕ

Хуссар Ирмӕ ӕрцыд хицауадон делегаци Уӕрӕсейӕ

10
(ранӕуӕггонд 11:41 21.05.2021)
Делегацийы сӕргъ лӕууы УФ экономикон райрӕзты министры хӕдивӕг Сергей Назаров. Майрӕмбоны райсом ӕй райста президент Бибылты Анатолий, уый фӕстӕ райдыдта иумӕйаг рабадт республикӕйы хицауадимӕ дыууӕ бӕстӕйы хсӕн социалон-экономикон ӕмгуыстады фӕдыл

ЦХИНВАЛ, 21 май - Sputnik. Цхинвалы уагъд цӕуы Хуссар Ирыстоны къухдариуӕгад ӕмӕ УФ экономикон райрӕзты министры хӕдивӕг Сергей Назаровы сӕргълӕудӕй уӕрӕсейаг делегацийы иумӕйаг рабадт.

Президент Бибылты Анатолий фембӕлды райдайӕны банысан кодта, баныхасы темӕтӕ кӕй уыдзысты дыууӕварсон ӕмархайды алы здӕхт дӕр. Уыдон сты Инвестпрограммӕ, бюджетон фадыджы кусджытӕн мыздтӕ фӕфылдӕр кӕнын, таможнӕйон фарстытӕ ӕмӕ ӕндӕртӕ.

"2015 азы ӕмгуыстад ӕмӕ интеграцийы фӕдыл бадзырд ӕнтыстджынӕй реализаци цӕуы ӕмӕ гӕнӕн ис фенын ӕвӕрццаг процесстӕ Хуссар Ирыстоны, кӕцытӕ ӕххӕст цӕуынц Уӕрӕсейы ӕххуысы руаджы", - загъта паддзахады сӕргълӕууӕг.

Сергей Назаров дӕр банысан кодта, иумӕйаг тыхтӕй Мӕскуы ӕмӕ Цхинвалӕн сӕ бон кӕй у аскъуыддзаг кӕнын алы проблемӕ дӕр ӕмӕ раттын ног импульс республикӕйы социалон-экономикон райрӕзтӕн.

"Куыд оперативон ӕмӕ эффективондӕр скъуыддзаг кӕнӕм фарстытӕ, афтӕ тагъддӕр Хуссар Ирыстоны цӕрджытӕ банкъардзысты ацы ивындзинӕдтӕ", - бахахх кодта УФ министры хӕдивӕг.

Уӕрӕсейаг делегаци Сергей Назаровы сӕргълӕудӕй ӕрцыд Хуссар Ирыстонмӕ кусӕгон балцы. Майрӕмбоны райсом Назаров фембӕлд президент Бибылты Анатолиимӕ, уый фӕстӕ райдыдта иумӕйаг рабадт республикӕйы хицауадимӕ дыууӕ бӕстӕйы хсӕн социалон-экономикон ӕмгуыстады фӕдыл.

Абон ма уӕрӕсейаг министры хӕдивӕг хайад райсдзӕн Цхинвалы мемориалон комплексы цытджын баконды церемонийы – объект арӕзт ӕрцыд инвестицион программӕйы фӕлгӕтты. Афтӕ ма делегаци бабӕрӕг кӕндзӕн Инвестпрограммӕйы ӕндӕр объекттӕ.

10
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

2
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

2
Цхинвалы паддзахадон ӕртагкӕнӕн станц

Хуссар Иры азы райдианӕй фӕстӕмӕ дыккаг хатт схызт ӕртаджы аргъ

4
(ранӕуӕггонд 14:39 15.06.2021)
Унитарон куыстуат "Югосетнефтепродукт" дыццӕгӕй ӕртаг уӕй кӕны ног ӕргътӕм, хисӕрмагонд ӕртагкӕнӕн станцты та фӕфылдӕргон тарифтӕ бахастой цалдӕр боны размӕ

ЦХИНВАЛ, 15 июн – Sputnik, Козаты Диана. Хуссар Ирыстоны паддзахадон ӕртагкӕнӕн станцты АИ-92 бензины аргъ схызт ӕртӕ сомы, ныр йӕ литр уӕй цӕудзӕн адӕмӕн 43 сомӕй, уагдӕттӕн та - 45 сомӕй.

Азы райдианӕй бензины аргъ фӕфылдӕр ныр дыккаг хатт. Уалдзӕджы ӕргътӕфӕфылдӕр сты цыппар сомы (36-ӕй ӕртаг схызт 40 сомы онг). Фӕлӕ кӕд уалдзӕджы дизелон ӕртаджы аргъ не схызт, уӕд абонӕй фӕстӕмӕ та фӕзынаргъдӕр ис иу сом - ныр у 44 сомы, фехъусын кодта "Югосетнефтепродукт"-ы гендиректор Джыгкайты Сослан.

"Ӕртаджы ӕргъты фӕфылдӕр аххосаг у, ӕввонггӕнджытӕм дӕр кӕй фӕзынаргъдӕр ис, уый", - бамбарын кодта уый.

Республикӕйы хицауады дӕр ӕрхастой ацы аххосаг ӕртаджы фӕзынаргъы тыххӕй.

Хисӕрмагонд ӕртагкӕнӕн станцты, кӕй зӕгъын ӕй хъӕуы, бензин ӕмӕ дизелон ӕртаджы аргъ у зынаргъдӕр паддзахадонтӕм абаргӕйӕ.

Частная автозаправка в Цхинвале
© Sputnik / Диана Козаева
Цхинвалы хисӕрмагонд ӕртагкӕнӕн станц
4