Уӕрӕсейаг инженертӕ ӕрӕвнӕлдтой минӕтӕй сыгъдӕг кӕныны фӕдыл рӕвдзытӕм Хуссар Иры

Уӕрӕсейаг инженертӕ ӕрӕвнӕлдтой минӕтӕй сыгъдӕг кӕныны фӕдыл рӕвдзытӕм Хуссар Иры

7
(ранӕуӕггонд 12:49 21.05.2021)
Хуссар Ирыстонӕй дарддӕр ма ӕфсӕддон инженертӕ кусдзысты Цӕцӕн, Дагестан, Мӕхъӕл ӕмӕ Кӕсӕг-Балхъары

ЦХИНВАЛ, 21 май - Sputnik. Уӕрӕсейаг ӕфсӕддон базӕйы инженертӕ Хуссар Ирыстоны ӕрӕвнӕлдтой сӕрмагонд цӕттӕдзинады фӕдыл рӕвдзытӕм. Уый тыххӕй хъусын кӕны Хуссар ӕфсӕддон зылды пресс-службӕ.

"Сборты рӕстӕджы ӕфсӕддон службӕгӕнджытӕ сахуыр кӕндзысты минӕтӕй сыгъдӕг, сӕнӕзианхъом, скуынӕг кӕныны ӕрмӕджыты характеристикӕтӕ ӕмӕ минӕгонд территоритӕ нысан кӕныны амӕлттӕ, афтӕ ма рӕмудзӕн ӕрмӕджытӕ скуынӕг кӕныны фадӕттӕ", - дзырдӕуы зылды пресс-службӕйы хъусинаджы.

Рӕвдзыты хайад исынц 150-йӕ фылдӕр ӕфсӕддон инженеры, 40 иуӕджы та сӕрмагонд техникӕ.

Минӕтӕй сыгъдӕггӕнӕн дӕлхайӕдтӕ ифтонг сты рӕмудзӕн ӕрмӕджытӕ агурын ӕмӕ ӕнӕзианхъом кӕнынӕн ӕппӕт ӕнӕмӕнгхъӕуӕг нырыккон фадӕттӕй. Рӕвдзыты ма ӕфсӕддонты раз лӕууӕг хӕстӕ ӕххӕст кӕнынмӕ ӕрбаиу кодтой ахуыр куыйты дӕр.

Подвижные группы разминирования ЮВО приступили к специальным сборам на Северном Кавказе и Закавказье
Уӕрӕсейаг инженертӕ ӕрӕвнӕлдтой минӕтӕй сыгъдӕг кӕныны фӕдыл рӕвдзытӕм Хуссар Иры

Азы райдианӕй фӕстӕмӕ Хуссар ӕфсӕддон зылды минӕтӕй сыгъдӕггӕнӕн къордтӕ ссардтой ӕмӕ сӕнӕзианхъом кодтой 1 минӕй фылдӕр рӕмудзӕн ӕрмӕджы. Куыстытӕ иууылдӕр ӕххӕст цӕуынц стандарттӕ ӕмӕ ӕдасдзинады нормӕтӕ ӕххӕстгӕнгӕйӕ.

7
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3