Цхинвалы бакодтой Хуссар Иры зынгхуыст хъайтартӕн нывонд мемориалон комплекс

Цхинвалы бакодтой Хуссар Иры зынгхуыст хъайтартӕн нывонд мемориалон комплекс

8
(ранӕуӕггонд 15:38 21.05.2021)
Церемонийы хайад райстой республикӕйы къухдариуӕгад ӕмӕ ӕхсӕнады минӕвӕрттӕ, зынгхуыст хъайтарты хиуӕттӕ, афтӕ ма уӕрӕсейаг делегацийы уӕнгтӕ

ЦХИНВАЛ, 21 май - Sputnik, Гӕбӕраты Элина. Цхинвалы цытджын уавӕры бакодтой мемориалон комплекс "Хуссар Ирыстоны хъахъхъӕнджытӕн", кӕцы нывонд у 1989-2008 азты республикӕйы сӕрибардзинады номыл хӕсты зынгхуыст хъайтартӕн.

Церемонийы хайад райстой президент Бибылты Анатолий, Уӕрӕсейы экономикон райрӕзты министры хӕдивӕг Сергей Назаров, 2008 азы хӕсты рӕстӕджы фӕмардуӕвӕг уӕрӕсейаг ӕфсӕддон Алексей Ивановы ныййарджытӕ.

Хуссар Ирыстоны Хъахъхъӕнынады министрад ӕмӕ 4-ӕм уӕрӕсейаг ӕфсӕддон базӕйы ӕфсӕддонтӕ сӕвӕрдтой дидинтӕ монумент Кады Гирляндӕмӕ.

"Абон, кӕй зӕгъын ӕмӕ хъӕуы у цытджын, фӕлӕ уыимӕ иумӕ фыдохы мадзал. Ацы мемориалӕн ис стыр нысаниуӕг. 1989 азӕй фӕстӕмӕ Гуырдзыстоны къухдариуӕгад райдыдта куынӕг кӕнын нӕ адӕмы. Уӕд фӕзындысты фыццаг амӕттӕгтӕ дӕр Хуссар Ирыстоны цӕрджыты хсӕн", - загъта церемонийы рӕстӕджы президент Бибылты Анатолий.
Открытие мемориала защитникам Отечества
© Sputnik / Natalia Airiyan
Открытие мемориала защитникам Отечества

Президент бафтыдта, ирӕтты ныхмӕ геноциды политикӕ кӕй адарддӕр ис 2008 азы онг.

Уӕрӕсейаг хицауадон делегацийы номӕй ралӕууыд Уӕрӕсейы экономикон райрӕзты министры хӕдивӕг Сергей Назаров, кӕцы банысан кодта монументы баконды ахсджиагдзинад.

"Абон у ӕцӕг нысаниуӕгджын бон республикӕйӕн. Мах байгом кодтам мемориалон комплекс ӕцӕг хъайтарты цытӕн – Ирыстоны хъахъхъӕнджытӕн. Уыдон бахъахъхъӕдтой республикӕ ӕмӕ сӕххӕст кодтой бӕстӕйы ӕмбӕстӕгты ӕдасдзинад", - загъта Назаров.

Министры хӕдивӕг банысан кодта, цыртдзӕвӕн кӕй уыдзӕн ирон адӕмы хъайтардзинад ӕмӕ сӕндидзыны символ, афтӕ ма ӕмбӕлттӕн баххуыс кӕныны символ дӕр.

Открытие мемориала защитникам Отечества
© Sputnik / Natalia Airiyan
Открытие мемориала защитникам Отечества

"Уӕрӕсейаг солдат фыццаг ӕрбацыд ӕххуысмӕ. Хуссар Ирыстоны къухдариуӕгад рахаста ахсджиаг скъуыддзаг фидӕны фӕлтӕртӕн – сӕнусон кӕнын мысӕн бронзӕйы. Байзӕддӕгтӕ хъуамӕ хъуыды кӕной ацы цаутӕ, уый фӕдыл уӕрӕсейаг фарс дӕр баххуыс кодта саразын ацы символ", - бахахх кодта Назаров.

Открытие мемориала защитникам Отечества
© Sputnik / Natalia Airiyan
Открытие мемориала защитникам Отечества

Мадзалы ралӕууыд 2008 азы фӕмардуӕвӕг уӕрӕсейаг ӕфсӕддон Алексей Ивановы фыд дӕр, кӕцы загъта бузныг Хуссар Ирыстонӕн республикӕйы хъахъхъӕнджытӕн кады тыххӕй.

Иу уысм ӕдзӕмӕй алӕугӕйы фӕстӕ авд хистӕры национ дарӕсы загътой бузныджы ныхӕстӕ ӕмӕ скуывдтой Хуыцаумӕ.

  • Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    © Sputnik / Natalia Airiyan
  • Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    © Sputnik / Natalia Airiyan
  • Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    © Sputnik / Natalia Airiyan
  • Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    Цхинвалы бакодтой Хуссар Иры зынгхуыст хъайтартӕн нывонд мемориалон комплекс
    © Sputnik / Natalia Airiyan
1 / 4
© Sputnik / Natalia Airiyan
Цхинвалы бакодтой Хуссар Иры зынгхуыст хъайтартӕн нывонд мемориалон комплекс
8
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3