Хуссар Иры джыбыйы хæсты фæстиуæгæн фæзынд тæссаг низ

Хуссар Иры джыбыйы хæсты фæстиуæгæн фæзынд тæссаг низ

35
(ранӕуӕггонд 16:49 21.05.2021)
Джыбытæ æрдзы сарæх вæййынц апрелæй августмæ. Ивгъуыд азы Хуссар Ирыстоны сæйраг рынчындонмæ бацыд дæс адæймаджы бæрц, кæцытыл фæхæцыд джыбытæ

ЦХИНВАЛ, 21 май – Sputnik, Плиты Фатимæ. Хуссар Ирыстоны æрæджы джыбыйы хæсты фæстиуæгæн фæзынд хъырымаг геморрагион тæвдниз (крымская геморрагическая лихорадка), фехъусын кодта Sputnik сæйраг санитарон дохтыр Коцты Марина.

"Ацы низ фыццаг рады хæцы джыбыйы хæсты фæстæ, фæлæ хæцы адæймагæй дæр гематогенон хуызы(тугæй)",- загъта сæйраг дохтыр.

Коцты Маринайы ныхæстæм гæсгæ, джыбы у ахæм низы парахатгæнæг куыд: спирохетозтæ, риккетсиозтæ, боррелез æмæ æндæртæ. Иууыл тæссаг дæр сæ энцефалит, кæцы хæссы джыбы.

"Джыбытæ ис 54 мин хуызы, уыдонæй кæцыдæртæ ахадгæ зиан хæссынц адæймаг æмæ фосæн. Уæлдай тæссаг сты иксодон джыбытæ, уыдон парахат кæнынц инфекцион низтæ", - радзырдта Коцты Марина.

Джыбытæ æрдзы сарæх вæййынц апрелæй августмæ. Ивгъуыд азы Хуссар Ирыстоны сæйраг рынчындонмæ бацыд дæс адæймаджы бæрц, кæцытыл фæхæцыд джыбытæ. Хуссар Ирыстоны бирӕпрофилон медицинон колледжы инфекцион хайады дохтыр радзырдта Sputnik джыбыйы ноджы иу тӕссаг ӕууӕлы тыххӕй.

"Лаймы низ (боррелиоз) хӕссынц джыбытӕ. Уый бахъыгдары нервтӕ, зӕрдӕ, царм ӕмӕ стæгдар. Дунейон статистикӕмӕ гӕсгӕ 100 000 адӕймагӕй рынчын кӕны ацы низӕй ӕрмӕст дыууӕ-ӕртӕ адӕймаджы. Мӕлӕтмӕ нӕ кӕны, фӕлӕ зынгӕ бандавы царды гъӕдыл",- радзырдта РБМЦ дохтыр-инфекционист Годжысаты Лали.

Джыбытæ сты тæссаг инфекцион низты парахатгæнджытæ, сæ нымæцы энцефалит, кæцы кæны тæссаг фæстиуджытæм, сæ нымæцы сахъатдзинад дæр, фæлæ ацы низ цы джыбы хæссы, уый Хуссар Ирыстоны неʻмбæлы.

Иумæйагæй сисгæйæ та хъусдараг адæм бæлвырд кæнынц, сæ нымæц кæй фæфылдæр ис æмæ джыбы ссис горæты цæрæг дæр.

Уалдзæджы æрбалæуд хъарм боныгъæдимæ иумæ райхъал кæны тæссаг цæрæгойты дæр, рапарахат вæййынц джыбытæ дæр. Хуссар Ирыстоны фæстаг æзты фæфылдæр ис сæ нымæц. Бынæттон знаггадгæнæгæн нæй тæссаг æууæлтæ. Биолог Габайты Владимиры ныхæстæм гæсгæ, раджы уый бахауд рынчындонмæ джыбыйы хæсты фæстæ.

"Раздæр цардтæн Сыбыры, уым мыл фæхæцыд энцефалитон джыбы. Дыууæ мæйы бæрц хуыссыдтæн рынчындоны. Æз йæ куыд зонын афтæмæй, уый ам не мбæлы", - дзуры Габайты Владимир.

Йæ ныхæстæм гæсгæ, уæддæр хуыздæр у дæхи джыбыйæ бахизын.

"Фылдæр бæрцæй быры зæххæй, уымæ гæсгæ гомзæнгæй æрдзмæ нæ хъæуы цæуын. Джыбы агуры царм иууыл тæнæгдæр кæм у, ахæм бынæттæ. Стæй ма ис сæрмагонд фæрæзтæ, кæцытæ хизынц джыбыйæ", - бафтыдта уый.

Габайты Владимир ма бамбарын кодта, джыбы раппарыны амæлттæ.

"Иутæ сæ байсæрдынц духи, науæд та соййæ. Уымæн улæфыны фадат куыннæуал вæййы, уæд ахауы, фæлæ уый æвзæр уымæй у, æмæ джыбы куы хауы, уæд æппæт хъæстæ акалы. Уымæ гæсгæ, хуыздæр у æндахæй йæ бабæттын æмæ афтæ раппарын", - амоны уый.

35
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3