Цхинвалы ацӕудзӕн хӕрзаудӕн концерт автокатастрофӕйы бахауӕг чызджы тыххӕй

Цхинвалы ацӕудзӕн хӕрзаудӕн концерт автокатастрофӕйы бахауӕг чызджы тыххӕй

35
(ранӕуӕггонд 10:54 24.05.2021)
Битеты Сабинайы ӕнӕниздзинад бахъыгдард ис 2016 азы автокатастрофӕйы фӕстиуӕгӕн. Хӕрзаудӕн концерт ацӕудзӕн 5 июны, ПККЗ "Чермен"-ы

ЦХИНВАЛ, 24 май – Sputnik, Плиты Фатимæ. Хуссар Ирыстоны дыккӕгӕм астӕуккаг скъолайы дӕлбар хореографион къорд "Кафт" ратдзӕн хӕрзаудӕн концерт Цхинвалы. Мадзалы фӕрӕзтӕ здӕхт ӕрцӕудзысты аварийы бахауӕг чызгӕн, фехъусын кодта Sputnik къорды аивадон къухдариуӕггӕнӕг, республикӕйы сгуыхт артист Майя Четион.

Битеты Сабинайы ӕнӕниздзинад бахъыгдард ис 2016 азы автокатастрофӕйы фӕстиуӕгӕн.

"Ансамбль "Кафт" ӕрвылаз дӕтты хыгъдон концерт, ацы аз ӕй организаци кӕнӕм ӕндӕр форматы - хӕрзаудӕн мадзалы хуызы. Чызджы ӕнӕниздзинад фӕцудыдта аварийы фӕстӕ ӕмӕ нӕ фӕрӕзтӕ лӕвӕрд ӕрцӕудзысты уымӕн", - загъта Майя Четион.

Йӕ ныхӕстӕм гӕсгӕ, сценӕмӕ ракӕндзысты скъоладзауты ног фӕлтӕры.

"Хистӕр фӕлтӕр скъола фӕцис, ныр ансамблы сконд ранӕуӕг ис. Бирӕ фӕсивӕд рахиздзысты сценӕмӕ фыццаг хатт", - бафтыдта къорды къухдариуӕггӕнӕг.

Концерт ацӕудзӕн 5 июны, ПККЗ "Чермен"-ы. 

35
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3