Дамаск

Хуссар Иры парламенты спикер ӕмӕ ПА хистӕр ныццыдысты Сиримӕ цӕстдарджыты хуызы

4
(ранӕуӕггонд 11:13 24.05.2021)
Делегаци йӕ хъус дардзӕн бӕстӕйы президенты ӕвзӕрстытӕм, кӕцытӕ ацӕудзысты 26 майы. Паддзахады къухдариуӕггӕнӕджы бынатмӕ тырныц ӕртӕ кандидаты, се 'хсӕн архайгӕ президент Башар Асад дӕр

ЦХИНВАЛ, 24 май - Sputnik. Сиримӕ ныххӕццӕ сты Хуссар Ирыстоны минӕвӕрттӕ республикӕйы парламенты сӕрдар Тадтаты Аланы сӕргълӕудӕй, кӕцытӕ ралӕудзысты президентон ӕвзӕрстыты рӕстӕджы ӕхсӕнадӕмон цӕстдарджытӕй. Уый тыххӕй хъусын кӕны Хуссар Ирыстоны ФХМ пресс-службӕ. 

Парламенты спикерӕй дарддӕр ма делегацийы сконды сты президенты администрацийы сӕргълӕууӕг Козаты Игорь ӕмӕ президенты уынаффӕгӕнӕг Дзӕгъиаты Уырызмӕг. Балцы фӕлгӕтты уыдонӕн ацӕудзӕн цалдӕр фембӕлды.

Сирийы президентон ӕвзӕрстытӕ ацӕудзысты 26 майы. Паддзахады къухдариуӕггӕнӕджы бынатмӕ тырныц ӕртӕ кандидаты, се 'хсӕн архайгӕ президент Башар Асад дӕр.

Уымӕй размӕ Сирийы ӕвзӕрстытӕ ацыдысты 2014 азы, уӕд Асад райста хъӕлӕсты 88% фылдӕр. Конституцимӕ гӕсгӕ, республикӕйы сӕргълӕууӕгӕн ма бар ис ноджы авд азы хистӕриуӕгавд кӕнын.

4
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3