Президент Дзабиты Иналы хъуыддаджы тыххӕй: фыдгӕнджытӕ ӕфхӕрдӕй нӕ аивӕрздзысты

Президент Дзабиты Иналы хъуыддаджы тыххӕй: фыдгӕнджытӕ ӕфхӕрдӕй нӕ аирвӕздзысты

8
(ранӕуӕггонд 13:22 24.05.2021)
Цхинвалы цӕрӕг Дзабиты Инал амард МХМ криминалон милицийы бӕстыхайы фарон августы. Уый фӕстӕ Цхинвалы ацыдысты протестон митингтӕ, уавӕр та ӕркодта дӕргъвӕтин ӕхсӕнадон-политикон кризисмӕ

ЦХИНВАЛ, 24 май – Sputnik, Козаты Диана. Бибылты Анатолий фехъусын кодта, ныфс ӕй кӕй ис, фӕдагуырд зӕгъдзӕн йӕ ныхас Дзабиты Иналы хъуыддаджы фӕдыл ӕмӕ тӕрхондон рахӕсдзӕн раст тӕрхон законмӕ гӕсгӕ.

Цхинвалы цӕрӕг Дзабиты Инал амард МХМ криминалон милицийы бӕстыхайы фарон августы. Уый фӕстӕ Цхинвалы ацыдысты протестон митингтӕ, уавӕр та ӕркодта дӕргъвӕтин ӕхсӕнадон-политикон кризисмӕ.

"Кӕйдӕр фыдракӕндон архӕйдтыты тыххӕй цъыф бакалд милицийыл, аххосджын кӕнын райдыдтой прокуратурӕ, хицауцады. Ацы фыдракӕнды аххосджынты иууылдӕр бафхӕрдзысты. Уырны мӕ, фӕдагуырд кӕй зӕгъдзӕн йӕ ныхас ӕмӕ тӕрхондон рахӕсдзӕн раст тӕрхон законмӕ гӕсгӕ", - фехъусын кодта Бибылты Анатолий.

Афтӕ ма, президент банысан кодта, МХМ кусджыты фылдӕр хай кӕй сты адӕм, кӕцытӕ цӕсгомджынӕй хӕссынц милиционеры ном, ӕмӕ республикӕйы ӕмбӕстӕгтӕ зонынц бирӕ цаутӕ, кӕцыты рӕстӕджы уыдон равдыстой сӕ хъайтардзинад.

"Фӕлӕ чидӕр, ӕвӕццӕгӕн, аскъуыддзаг кодта, милицийы бӕлвырдгӕнӕн документимӕ кӕй райста бар ахизын законы сӕрты, скъуыддзаг кӕнын адӕмы хъысмӕттӕ. Иу хатт ма мӕ фӕнды зӕрдыл ӕрбалӕууын кӕнын, службӕйон хӕслӕвӕрдтӕ чи ӕххӕст кӕны, уыдонӕй бафарст дӕр уыдзӕн карздӕр", - загъта Бибылты Анатолий.

Паддзахады сӕргълӕууӕг бафтыдта, зӕгъгӕ, барадхъахъхъӕнджыты куыстӕн хорз саргъ кӕнӕн ис, адӕм президентмӕ куы нал дзурой рӕстдзинад ссарыны фӕдыл, уӕд.

8
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3