Хуссар Иры фӕфылдӕргонд мызд райсдзысты июны

Хуссар Иры фӕфылдӕргонд мызд райсдзысты июны Бибылты Анатолий

5
(ранӕуӕггонд 13:50 24.05.2021)
Бюджетон кусджытӕ ӕмӕ паддзахадон граждайнаг службӕгӕнджытӕ райсдзысты фӕфылдӕргонд мыздтӕ азы райдайӕнӕй фӕлхыгъдимӕ, банысан кодта президент республикӕйы адӕм ӕмӕ парлдаментмӕ ныстуаны рӕстӕджы

ЦХИНВАЛ, 24 май - Sputnik, Козаты Диана. Хуссар Ирыстоны президент фехъусын кодта, ӕввахс рӕстӕджы республикӕ Уӕрӕсейы ӕххуысы руаджы кӕй нывӕнды фӕфылдӕр кӕнын бюджетон фадыджы кусджытӕн сӕ мыздтӕ Цӕгат Кавказы федералон зылды кусджыты ӕмвӕзадмӕ.

Президент фехъусын кодта, абон хицауады сӕрдар Бекъойты Геннадий кӕй цӕуы Мӕскуымӕ ӕмбӕлон бадзырд бафыссынмӕ.

"Зӕрдыл мӕ фӕнды ӕрбалӕууын кӕнын, ныртӕккӕ бюджетон фадыджы кусджыты мызд кӕй у ЦКФЗ 2017 азы ӕмвӕзады бӕрц", - банысан кодта президент.

Афтӕ ма паддзахады сӕргъӕууӕг бахӕс кодта хицауады сӕрдарӕн мӕйы кӕронмӕ бафыссын бадзырд паддзахадон граждайнаг службӕгӕнджыты мыздты фӕдыл ӕмӕ бафидын фӕфылдӕргонд мыздтӕ 2021 азы январы фӕлхыгъдимӕ.

Бибылты Анатолий бафтыдта, зӕгъгӕ, 2021 азы январӕй фӕстӕмӕ фӕлхыгъд кӕй хауы бюджетон фадыджы кусджытӕм дӕр.

5
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3