Хуссар Иры театр снысан кодта спектакль Дон Жуан-ы премьерæйы бон

Хуссар Иры театр снысан кодта спектакль "Дон Жуан"-ы премьерæйы бон

25
(ранӕуӕггонд 15:55 24.05.2021)
Спектакль æхсæнадон совет банымада фендтагыл. Диссаг хонынц режиссерон куыст, хицæн актерты хъазт, рухс æмæ музыкæ

ЦХИНВАЛ, 24 май — Sputnik, Плиты Фатимæ. Хуссар Ирыстоны паддзахадон драмон театр снысан кодта спектакль "Дон Жуан"-ы премьерæйы бон уый ацæудзæн 1 æмæ 2 июны. Дыгуры театры сӕйраг режиссер Джелиты Хъазыбеджы бакастӕй комедийæн разыдзинад радта æхсæнадон совет, фехъусын кодтой Sputnik ПДТ пресс-службæйы.

Сæ хъусинагмæ гæсгæ, уый ссис фыццаг спектакль, кæцы равдисдзысты æхсæнадон советы разыдзинадæй.

"Мольеры комеди "Дон Жуан"-ы премьерæйы размæ традицион равдыст ныр ацыд рауæрæхгонд скондæн. Нырмæ кæд равдысттæ цыдысты театры аивадон советæн, уæд ныр та фидар æрцыд æхсæнадон совет, кæцыйы скондмæ æдзух уæнгтæй дарддæр бацыдысты сфæлдыстадон æмæ зонадон интеллигенцийы ирд минæвæрттæ – Цхуырбаты Мира, Джиоты Ариана, Кокойты Тарзан, Хъоцыты Андрей, Дзугаты Къоста æмæ Гæджиты Жанетта. Уыдонмæ уыд чысыл фиппаинæгтæ, фæлæ æмдзырдæй радтой фæндаг ", - загътой уым.

Пресс-службæйы ма бафтыдой, "Дон Жуан" кæй суыдзæн иууыл ирддæр спектакльтæй иу.

"Спектакль æхсæнадон совет банымада фендтагыл. Диссаг хонынц режиссерон куыст, хицæн актерты хъазт, рухс æмæ музыкæ", - бафтыдтой уым.

Мольеры комеди "Дон Жуан" Хуссар Ирыстоны сценæйыл сæвæрдта Дыгуры театры æвзонг курдиатджын режиссер Джелиты Хъазыбег.

Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан. Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

Премьерæ нысан æрцыд

25
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3