РХИ милици

Цхинвалы централон уынгтӕ сӕхгӕндзысты "Фӕстаг дзӕнгӕрӕджы" бӕрӕгбоны рӕстӕджы

2
(ранӕуӕггонд 11:06 25.05.2021)
Хуссар Ирыстоны скъолаты дыццӕджы айзӕлдзӕн фӕстаг дзӕнгӕрӕг рауагъдонтӕн. Милицийы кусджытӕ рахиздзысты службӕйы фӕтыхджындӕргонд режиммӕ, столицӕйы кӕцыдӕр уынгтыл та ӕрӕхгӕндзысты фӕндагон змӕлд бӕрӕгбонон концерты рӕстӕджы, радзырдтой МХМ

ЦХИНВАЛ, 25 май - Sputnik. Цхинвалы сӕхгӕндзысты Театралон фӕзуатмӕ хӕстӕг централон уынгты фадгуытӕ "Фӕстаг Дзӕнгӕрӕджы" цытӕн бӕрӕгбонон концерты рӕстӕджы, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.

Республикӕйы скъолаты рауагъдонтӕ дыццӕджы айзӕлдзӕн фӕстаг дзӕнгӕрӕг. Бӕрӕгбонон мадзӕлттӕ уагъд цӕудзысты столицӕ ӕмӕ районты ахуырадон уагдӕтты, ӕдасдзинад та ӕххӕст кӕндзысты милицийы кусджытӕ, кӕцытӕ рахызтысты службӕйы фӕтыхджындӕргонд режиммӕ. Республикӕйы фӕндӕгтыл сӕвӕрдтой милицийы уӕлӕмхасӕн къордтӕ, скъолатӕ ӕмӕ ӕндӕр бынӕттӕ та басгардзысты тыхон структурӕты сапертӕ.

"Театралон фӕзуатыл бӕрӕгбонон концерты ауадзыны тыххӕй 25 майы изӕры ӕхгӕд уыдзысты Сталины уынг Тӕболты Сергей ӕмӕ Пушкины уынджы алвӕндагыл, ӕмӕ Хетӕгкаты-Тугъанты уынгты алвӕндаг", - дзырдӕуы хъусинаджы.

Афтӕ ма централон фӕзуатмӕ бахизӕны сӕвӕрдзысты контролон-уадзӕн пункттӕ, цӕмӕй сбӕрӕг кӕной хӕцӕнгарз, рӕмудзӕн ӕрмӕджытӕ ӕмӕ ӕндӕр тобӕгонд дзауматӕ. Театралон фӕзуатмӕ хӕстӕг дуканиты тобӕ сӕвӕрдзысты нозты продукци уӕй кӕныныл.

2
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3
Цхинвалы паддзахадон ӕртагкӕнӕн станц

Хуссар Иры азы райдианӕй фӕстӕмӕ дыккаг хатт схызт ӕртаджы аргъ

4
(ранӕуӕггонд 14:39 15.06.2021)
Унитарон куыстуат "Югосетнефтепродукт" дыццӕгӕй ӕртаг уӕй кӕны ног ӕргътӕм, хисӕрмагонд ӕртагкӕнӕн станцты та фӕфылдӕргон тарифтӕ бахастой цалдӕр боны размӕ

ЦХИНВАЛ, 15 июн – Sputnik, Козаты Диана. Хуссар Ирыстоны паддзахадон ӕртагкӕнӕн станцты АИ-92 бензины аргъ схызт ӕртӕ сомы, ныр йӕ литр уӕй цӕудзӕн адӕмӕн 43 сомӕй, уагдӕттӕн та - 45 сомӕй.

Азы райдианӕй бензины аргъ фӕфылдӕр ныр дыккаг хатт. Уалдзӕджы ӕргътӕфӕфылдӕр сты цыппар сомы (36-ӕй ӕртаг схызт 40 сомы онг). Фӕлӕ кӕд уалдзӕджы дизелон ӕртаджы аргъ не схызт, уӕд абонӕй фӕстӕмӕ та фӕзынаргъдӕр ис иу сом - ныр у 44 сомы, фехъусын кодта "Югосетнефтепродукт"-ы гендиректор Джыгкайты Сослан.

"Ӕртаджы ӕргъты фӕфылдӕр аххосаг у, ӕввонггӕнджытӕм дӕр кӕй фӕзынаргъдӕр ис, уый", - бамбарын кодта уый.

Республикӕйы хицауады дӕр ӕрхастой ацы аххосаг ӕртаджы фӕзынаргъы тыххӕй.

Хисӕрмагонд ӕртагкӕнӕн станцты, кӕй зӕгъын ӕй хъӕуы, бензин ӕмӕ дизелон ӕртаджы аргъ у зынаргъдӕр паддзахадонтӕм абаргӕйӕ.

Частная автозаправка в Цхинвале
© Sputnik / Диана Козаева
Цхинвалы хисӕрмагонд ӕртагкӕнӕн станц
4