Цхинвалы цӕрӕджы азымджын кӕнынц милицийы кусӕджы фӕнӕмыны

Цхинвалы цӕрӕджы азымджын кӕнынц милицийы кусӕджы фӕнӕмыны Генпрокуратурӕ

5
(ранӕуӕггонд 10:51 26.05.2021)
Фыдракӕнды азымджын скъӕрдта нозтджынӕй "Мерседес" хӕдтулгӕйыл Хуссар Ирыстоны МХМ Паддзахадон автоинспекцийы кусджытӕ йӕ куы ӕрурӕдтой, уӕд

ЦХИНВАЛ, 25 май - Sputnik. Цхинвалы цӕрӕджы ныхмӕ бакодтой уголовон хъуыддаг ПАИ кусӕджы фӕнӕмыны тыххӕй, хъусын кӕны Хуссар Ирыстоны Гепрокуратурӕйы пресс-службӕ.

Цау ӕрцыд 16 майы стационарон постыл, кӕцы ис Знауыры районмӕ бацӕуӕны.

"Республикӕ Хуссар Ирыстоны МХМ Паддзахадон автоинспекцийы кусджытӕ ӕрурӕдтой "Mercedes" хӕдтулгӕ, кӕцыйыл ориентировкӕ сӕм бадӕтта оперативон радгӕсон. Инспектор хӕдтулгӕйы шофырмӕ куы бацыд документтӕ басгарынмӕ, уӕд пассажир рахызт хӕдтулгӕйӕ ӕмӕ ацыд стационарон посты рдӕм, цы ран ныццавта ПАИ кусӕджы", - дзырдӕуы хъусинаджы.

Медицинон басгӕрсты бӕрӕггӕнӕнтӕм гӕсгӕ, шофыр ӕмӕ пассажир дӕр уыдысты нозтджын. Афтӕ ма, пассажирӕн сбӕрӕг кодтой, кӕй пайда кодта наркотикон буарад "гӕн"-ӕй, бафтыдтой уагдоны.

Фыдракӕнды азымджыны бакодтой ахӕсты дыууӕ мӕймӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

2
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

2
Цхинвалы паддзахадон ӕртагкӕнӕн станц

Хуссар Иры азы райдианӕй фӕстӕмӕ дыккаг хатт схызт ӕртаджы аргъ

4
(ранӕуӕггонд 14:39 15.06.2021)
Унитарон куыстуат "Югосетнефтепродукт" дыццӕгӕй ӕртаг уӕй кӕны ног ӕргътӕм, хисӕрмагонд ӕртагкӕнӕн станцты та фӕфылдӕргон тарифтӕ бахастой цалдӕр боны размӕ

ЦХИНВАЛ, 15 июн – Sputnik, Козаты Диана. Хуссар Ирыстоны паддзахадон ӕртагкӕнӕн станцты АИ-92 бензины аргъ схызт ӕртӕ сомы, ныр йӕ литр уӕй цӕудзӕн адӕмӕн 43 сомӕй, уагдӕттӕн та - 45 сомӕй.

Азы райдианӕй бензины аргъ фӕфылдӕр ныр дыккаг хатт. Уалдзӕджы ӕргътӕфӕфылдӕр сты цыппар сомы (36-ӕй ӕртаг схызт 40 сомы онг). Фӕлӕ кӕд уалдзӕджы дизелон ӕртаджы аргъ не схызт, уӕд абонӕй фӕстӕмӕ та фӕзынаргъдӕр ис иу сом - ныр у 44 сомы, фехъусын кодта "Югосетнефтепродукт"-ы гендиректор Джыгкайты Сослан.

"Ӕртаджы ӕргъты фӕфылдӕр аххосаг у, ӕввонггӕнджытӕм дӕр кӕй фӕзынаргъдӕр ис, уый", - бамбарын кодта уый.

Республикӕйы хицауады дӕр ӕрхастой ацы аххосаг ӕртаджы фӕзынаргъы тыххӕй.

Хисӕрмагонд ӕртагкӕнӕн станцты, кӕй зӕгъын ӕй хъӕуы, бензин ӕмӕ дизелон ӕртаджы аргъ у зынаргъдӕр паддзахадонтӕм абаргӕйӕ.

Частная автозаправка в Цхинвале
© Sputnik / Диана Козаева
Цхинвалы хисӕрмагонд ӕртагкӕнӕн станц
4