Наниты Сослан

Хуссар Иры ӔХМ хистӕр царды гъӕдыл схӕцын ӕмӕ мӕлынад фӕкъаддӕр кӕныны тыххӕй

4
(ранӕуӕггонд 09:15 26.05.2021)
Министры ныхӕстӕм гӕсгӕ, уагдоны сӕйраг хъусдард здӕхт уыдзӕн фыццаджы медико-санитарон ӕххуысы гъӕд фӕхуыздӕр кӕнынмӕ

ЦХИНВАЛ, 25 май – Sputnik, Козаты Диана. Фыццаджы медико-санитарон ӕххуысы гъӕдыл баст у тагъд ӕххуысы службӕйы куыст ӕмӕ сӕрмагонд медицинон ӕххуыс бакӕныны ӕнӕмӕнгхъӕуындзинад. Уый тыххӕй дыццӕджы журналисттӕн загъта Хуссар Ирыстоны ӕнӕниздзинад хъахъхъӕнынады министр Наниты Сослан.

Ӕнӕниздзинад хъахъхъӕнынады министрады (ӔХМ) сӕргълӕууӕг Sputnik пресс-центры ауагъта йӕ фыццаг пресс-конференци. Наниты Сослан загъта йӕ хъуыды республикӕйы ӕнӕниздзинад хъахъхъӕнынады райрӕзты программӕйы фӕдыл.

"Фыццаджы медико-санитарон ӕххуысы гъӕд бандавдзӕн тагъд ӕххуысы куысты бӕрӕггӕнӕнтыл, афтӕ ма сӕрмагонд медицинон ӕххуысыл дӕр. Медицинӕйы ацы фадыг куыд куса, ууыл баст у тагъд ӕххуысы службӕйы куыст ӕмӕ сӕрмагонд медицинон ӕххуыс бакӕныны ӕнӕмӕнгхъӕуындзинад", - загъта министр.

Наниты Солан радзырдта, ацы проблемӕ аскъуыддзаг кӕнынӕн кӕй сараздзысты фыццаджы медико-санитарон ӕххуыс бакӕныны фӕдыл нывӕзтытӕ, рахицӕн кӕндзысты пациентты къордтӕ, кӕцытӕ арӕх рынчын кӕнынц алыгъуызон низтӕй. Уый банысан кодта, ацы къордты адӕмы кӕй хондзысты уӕлӕмхасӕн багӕрстмӕ, уый та фадат ратдзӕн нывӕзтон форматы уадзын госпитализаци.

"Ацы мадзӕлтты руаджы фӕфылдӕр уыдзӕн царды гъӕд ӕмӕ фӕкъаддӕр кӕндзӕн мӕлынад. Логикӕ у ӕнцонӕмбарӕн", - баныфсӕвӕрдта министр.

Цӕмӕй саразой ацы къордтӕ ӕмӕ адресон ӕххуыс кӕной адӕмӕн, уый тыххӕй арӕзт цӕудзӕн систематикон комплексон диспансеризаци. Мадзалы сӕйраг нысан у развӕлгъау сбӕрӕг кӕнын низ ӕмӕ йӕм хъус ӕрдарын.

Ӕнӕниздзинад хъахъхъӕнынады министрад цы мадзӕлттӕ аразы, уый фӕдыл цӕрджытӕ информаци исдзысты уагдоны ног гъӕдджын сайтӕй.

Министр ма баныфсӕвӕрдта, Ӕнӕниздзинад хъахъхъӕнынады министрадӕн кӕй уыдзӕн оперативон реакци цӕрджыты бадзырдтӕм.

4
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3