Хуссар Иры юстицийы министр радзырдта, куыд кусдзӕн цӕрӕнуатон политикӕйы фӕдыл ног закон

Хуссар Иры юстицийы министр радзырдта, куыд кусдзӕн цӕрӕнуатон политикӕйы ног закон

3
(ранӕуӕггонд 15:12 27.05.2021)
Республикӕйы цӕрджытӕн фадат уыдзӕн паддзахадӕй арендӕйы райсын цӕрӕнуат ӕмӕ уый фӕстӕ балхӕнын фатер

ЦХИНВАЛ, 27 май – Sputnik, Козаты Диана. Цӕрӕнуатон политикӕйы фӕдыл закон ӕввахс рӕстӕджы барвитдзысты Хуссар Ирыстоны парламенты ӕркастмӕ, фехъусын кодта Sputnik пресс-конференцийыл юстицийы министр Лалыты Зӕлинӕ.

Президент Бибылты Анатолий фарон банхъардта ӕмбӕстӕгтӕн исын фатертӕ арендӕйы, цӕмӕй скъуыддзаг ӕрцӕуа цӕрӕнуатон проблемӕ. Паддзахады сӕргълӕууӕг банхъардта саразын цӕрӕнуатон фонд, кӕцыйы цӕрӕнуат дӕтдзысты бадзырдтӕм гӕсгӕ, ӕмӕ уыдзӕн фадат йӕ балхӕнынӕн дӕр.

"Ацы функцитӕ Юстицийы министрадмӕ нӕ хауынц, фӕлӕ нын 2020 азы бахӕс кодтой саразын закон цӕрӕнуатон политикӕйы фӕдыл. Ацы законы бындурыл арӕзт ӕрцыд законы проект, кӕцы социалон ӕххуырстӕй дарддӕр дӕтты цӕрӕнуат ӕххуырсты, цӕмӕй уый фӕстӕ фадат уа балхӕнын фатер", - банысан кодта Лалыты Зӕлинӕ.

Залина Лалиева
© Sputnik / Natalia Airiyan
Лалыты Зӕлинӕ

Министр бахахх кодта, законы проектмӕ гӕсгӕ, ӕмбӕстаг, кӕцыйы хъӕуы цӕрӕнуат кӕнӕ йӕ фӕнды фӕхуыздӕр кӕнын йӕ цардуагон уавӕртӕ, хъуамӕ бадзура горӕт ӕви районы администрацимӕ, слӕууа хыгъды ӕмӕ бафысса ӕххуырсты бадзырд, цӕмӕй йын радтой цӕрӕнуат, кӕцы гӕнӕн ис стӕй балхӕнын.

"Ӕлхӕныны суммӕ нӕ уыдзӕн фылдӕр цӕрӕнуаты хиаргъӕй. Дзырд нырма цӕуы фатертыл", - загъта Лалыты Зӕлинӕ.

Министры ныхӕстӕм гӕсгӕ, законы проект нырма ис президенты администраци ӕмӕ хицауады аппараты ӕркастмӕ. Фидӕн къуыри йӕ барвитдзысты республикӕйы парламентмӕ. Лалыты Зӕлинӕ баныфсӕвӕрдта, законы проект тагъд рӕстӕджы кӕй райсдзысты.

3
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3
Мæргъиты Ирбег

Æвзонг натуралистты бæрæгбон банысан кодтам экологион акцийæ Мæргъиты Ирбег

0
(ранӕуӕггонд 16:06 15.06.2021)
Æвзонг натуралистты станцæйы сæргълæууæг Мæргъиты Ирбег радио Sputnik Хуссар Ирыстоны эфиры радзырдта, сӕ бæрæгбонмæ цавӕр акцитæ ауагътой, уыдон тыххæй
Æвзонг натуралистты бонмæ сарæзтам экологион акци – Мæргъиты Ирбег

Æвзонг натуралистты бон ӕрвылаз дæр нысан кæнынц 15 июны. Хуссар Ирыстоны Æвзонг натуралистты станцæйы сæргълæууæг Мæргъиты Ирбег куыд радзырдта, уымæ гæсгæ ацы бонмæ æрвылаз дæр сывæллæтимæ бацæттæ кæнынц мадзæлттæ æмæ равдысттæ. Фæлæ ацы аз станцæмæ цы фæндаг цæуы, уый цалцæгкæнæн куыстытæ бакъуылымпы кодтой саразын ахæм мадзæлттæ.

"Фæлæ ахуыргæнджыты советы ахæм фæндон рахастам, цæмæй нæхæдæг саразæм экологион акци. Уыцы акцийæн бынат равзæрстам Хеуиты хъæу - уым дыууæ суадоны рæзтæ хъуыд ныссыгъдæг кæнын бырæттæй", - загъта Мæргъиты Ирбег.

Станцæйы сæргълæууæг куы банысан кодта, уымæ гæсгæ абон 11 сахатыл ацыдысты натураистты станцæйы минæвæрттæ уыцы дыууæ суадонмæ æмæ сын сæ алфæмблай ныссыгъдæг кодтой.

"Хъыгагæн, не 'мбæстæгтæ аккаг хъусдард нæ дарынц нæ алфæмблай æрдзмæ æмæ уый æвзæн хабар у. Алы адæймаг дæр Ирыстоны хæсджын у, цæмæй кæм бада, цæра æмæ цæуа, уым ма бырон кæна", - бахахх кодта Ирбег.

Уый банысан кодта, æрдзы сыгъдæгдзинадæн кæй ис ахсджиаг нысаниуæг æмæ уыцы хъуыдыйыл хъомыл кæнынц сæ ахуыргæнинæгты дæр.

0
Темӕтӕ:
Радио иронау