агерь

Сывӕллӕтты сфӕлдыстады галуан Цхинвалы бакӕндзӕн сӕрдыгон лагерь

10
(ранӕуӕггонд 15:50 27.05.2021)
Лагерь райсдзӕн улӕфджыты дыууӕ къорды - иумӕйагахуырадон скъолаты 1-7 кълӕсты ахуыргӕнинӕгты. Иу сменӕ ахӕсдзӕн 10 боны

ЦХИНВАЛ, 27 май — Sputnik, Хъуылымбегты Зӕлинӕ. Хуссар Ирыстоны сӕйраг сахары Сывӕллӕтты сфӕлдыстады галуаны (ССГ) бындурыл къуырисӕры бакӕндзысты сӕрдыгон лагерь "Фидӕн", фехъусын кодта Sputnik галуаны директоры хӕдивӕг Ӕрсойты Зӕринӕ.

Йӕ ныхӕстӕм гӕсгӕ, лагерь райсдзӕн улӕфджыты дыууӕ къорды - иумӕйагахуырадон скъолаты 1-7 кълӕсты ахуыргӕнинӕгты. Иу сменӕ ахӕсдзӕн 10 кусӕгон боны, улӕфтытӕ нӕ нымайгӕйӕ. Сывӕллӕттӕ уыдзысты лагеры 9.00 сахатӕй 18.00 онг.

"Фыццаг къорд фӕнд кӕнӕм райсын 31 майы, дыккаг та - 7 июны. Лагеры сӕйраг принцип - ӕнтысты педагогикӕ. Ахуыртӕ иууылдӕр цӕудзысты хъӕзтыты ӕмӕ хиирхӕфсӕн хуызы. Алы сывӕллон дӕр-иу алы бон дӕд суызӕн хуыздӕр кӕцыдӕр къабазы - хуыздӕр зарӕггӕнӕг, хуыздӕр нывгӕнӕг, хуыздӕр математик", - загъта Ӕрсойты Зӕринӕ.

Организатортӕ ныфс ӕвӕрынц цымыдисон нывӕзтӕй - сабитӕ кӕндзысты алыгъуызон къордон архӕйдтытӕ. Хӕрд сын уыдзӕн бон дыууӕ хатты. Сывӕллоны лагерьмӕ ныффыссыны тыххӕй хъӕуы бацӕуын Галуанмӕ.

ССГ ма бафтыдтой, лагерь кӕй уыдзӕн фидгӕйӕ.

10
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3
Мæргъиты Ирбег

Æвзонг натуралистты бæрæгбон банысан кодтам экологион акцийæ Мæргъиты Ирбег

0
(ранӕуӕггонд 16:06 15.06.2021)
Æвзонг натуралистты станцæйы сæргълæууæг Мæргъиты Ирбег радио Sputnik Хуссар Ирыстоны эфиры радзырдта, сӕ бæрæгбонмæ цавӕр акцитæ ауагътой, уыдон тыххæй
Æвзонг натуралистты бонмæ сарæзтам экологион акци – Мæргъиты Ирбег

Æвзонг натуралистты бон ӕрвылаз дæр нысан кæнынц 15 июны. Хуссар Ирыстоны Æвзонг натуралистты станцæйы сæргълæууæг Мæргъиты Ирбег куыд радзырдта, уымæ гæсгæ ацы бонмæ æрвылаз дæр сывæллæтимæ бацæттæ кæнынц мадзæлттæ æмæ равдысттæ. Фæлæ ацы аз станцæмæ цы фæндаг цæуы, уый цалцæгкæнæн куыстытæ бакъуылымпы кодтой саразын ахæм мадзæлттæ.

"Фæлæ ахуыргæнджыты советы ахæм фæндон рахастам, цæмæй нæхæдæг саразæм экологион акци. Уыцы акцийæн бынат равзæрстам Хеуиты хъæу - уым дыууæ суадоны рæзтæ хъуыд ныссыгъдæг кæнын бырæттæй", - загъта Мæргъиты Ирбег.

Станцæйы сæргълæууæг куы банысан кодта, уымæ гæсгæ абон 11 сахатыл ацыдысты натураистты станцæйы минæвæрттæ уыцы дыууæ суадонмæ æмæ сын сæ алфæмблай ныссыгъдæг кодтой.

"Хъыгагæн, не 'мбæстæгтæ аккаг хъусдард нæ дарынц нæ алфæмблай æрдзмæ æмæ уый æвзæн хабар у. Алы адæймаг дæр Ирыстоны хæсджын у, цæмæй кæм бада, цæра æмæ цæуа, уым ма бырон кæна", - бахахх кодта Ирбег.

Уый банысан кодта, æрдзы сыгъдæгдзинадæн кæй ис ахсджиаг нысаниуæг æмæ уыцы хъуыдыйыл хъомыл кæнынц сæ ахуыргæнинæгты дæр.

0
Темӕтӕ:
Радио иронау