Цхинвалы бирӕуӕладзыгон хӕдзармӕ бабырыд калм

Цхинвалы бирӕуӕладзыгон хӕдзармӕ бабырыд калм

146
(ранӕуӕггонд 11:25 28.05.2021)
Калм сбырыд Мамсырайы фырты уынджы ӕртыккаг бирӕуӕладзыгон хӕдзары дыккаг уӕладзыгмӕ ӕмӕ тасы ныппӕрста цӕрджыты

ЦХИНВАЛ, 28 май – Sputnik, Плиты Фатимæ. Хуссары Ирыстоны столицӕйы бирӕуӕладзыгон хӕдзармӕ бабырыд лӕсӕг, фехъусын кодтой Sputnik УУМ радгӕсон службӕйы.

Кавказская гадюка
Пресс-служба МЧС РЮО
Цхинвалы бирӕуӕладзыгон хӕдзармӕ бабырыд калм

Калм сбырыд Мамсырайы фырты уынджы ӕртыккаг бирӕуӕладзыгон хӕдзары дыккаг уӕладзыгмӕ ӕмӕ тасы ныппӕрста цӕрджыты.

"Цыппӕрӕмы нӕм сихорафон фӕдзырдтой. Калм хуыссыд дыккаг уӕладзыджы асиныл. Тар хуыз. Бакастӕй йӕ дӕргъ уыд метр ӕмӕ ӕрдӕджы бӕрц", - загътой уагдоны.

Сӕ хъусинагӕй куыд бӕрӕг у, афтӕмӕй калм тӕссаг нӕ уыд.

Корпусы цӕрӕг Плиты Валентинайы ныхӕстӕм гӕсгӕ, уымӕй размӕ хӕдзары раз кӕрты кӕрдӕг ныккарстой ӕмӕ йӕ ӕвӕццӕгӕн бахъыгдардтой ӕмӕ уый тыххӕй бабырыд хӕдзармӕ.

"Ныр хӕдзармӕ бахизын нал уӕндӕм. Стӕй дзы рухс дӕр нӕй", - загъта уый.

Зыдгонд биолог Габайты Владимиры ныхӕстӕм гӕсгӕ, уый хъӕстӕ калм нӕ уыд.

"Йе 'ддаг бакастмӕ гӕсгӕ уый у медянка, хъӕстӕ нӕу, фӕлӕ лӕбургӕ ӕмӕ хӕцгӕ кӕны хъӕстӕйӕ тынгдӕр", - загъта биолог.

146
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3